મનોરંજન ન્યૂઝ | એક્શન ફિલ્મ અને વેબ સિરીઝ અને ઐતિહાસિક એપિકથી લઈને આત્મીય અને ઈમોશનલ ફેમિલી સ્ટોરી સુધી આ અઠવાડિયામાં સ્ટ્રીમિંગ પ્લેટફોર્મ પર ઘણી ફિલ્મ અને વેબ સિરીઝ રિલીઝ થવાની છે. મુવી લવર્સને મનોરંજનનો ભારે ડોઝ મળશે.
આ અઠવાડિયે OTT પર શું જોવું?
મા ઇન્તી બંગારામ
સામંથા રૂથ પ્રભુની મા ઇન્તી બંગારમ રાજ નિદિમોરુ દ્વારા બનાવવામાં આવી છે, જેનું દિગ્દર્શન બી.વી. નંદિની રેડ્ડી દ્વારા કરવામાં આવ્યું છે. આ ફિલ્મ એક ભૂતપૂર્વ હત્યારા પર આધારિત છે જેને પાસ્ટના વ્યક્તિઓ દ્વારા તેના નવા પરિવારને ધમકી આપવામાં આવ્યા બાદ તેને તેના માર્ગે પાછા ફરવાની ફરજ પાડવામાં આવે છે.
આ ફિલ્મ જે સૌથી વધુ કમાણી કરનારી મહિલા-પ્રમુખ તેલુગુ ફિલ્મ તરીકે ઉભરી આવી છે, આ ફિલ્મ 17 જુલાઈએ હોટ સ્ટાર પર રિલીઝ થઇ ગઈ છે.
ધ સિક્રેટ એજન્ટ
વર્ષ 2025 ની સૌથી ચર્ચિત ફિલ્મોમાંની એક ઓસ્કાર-નોમિનેટેડ ધ સિક્રેટ એજન્ટ, ક્લેબર મેન્ડોન્સા ફિલ્હો દ્વારા દિગ્દર્શિત અને લખાયેલ છે. આ ફિલ્મ માર્સેલોની સ્ટોરી પર આધારિત છે, જે એક એજ્યુકેશન અને ટેકનોલોજી નિષ્ણાત છે, જે એક જટિલ ભૂતકાળથી બચવા માટે એક ઉપનામ હેઠળ રેસિફ જાય છે.
તેને ખબર પડે છે કે તેનું નવું સ્થાન ભ્રષ્ટ પોલીસ, પડોશીઓ પર નજર રાખનારાઓ અને રાજ્ય દ્વારા મંજૂર કરાયેલા હિટમેનથી ભરેલું છે, જેના કારણે તે 1977 માં લશ્કરી સરમુખત્યારશાહીની ચરમસીમા દરમિયાન તેના નાના પુત્ર સાથે બ્રાઝિલથી ભાગી જવા માટે અન્ડગ્રાઉન્ડ પ્રતિકાર પર આધાર રાખે છે. આ ફિલ્મ તમે એમેઝોન પ્રાઈમ પર જોઈ શકો છો.
ધ મેપ ઓફ લોગિંગ
આ મિનિસિરીઝ ગ્રેટાની ઈમોશનલ સ્ટોરી કહે છે, જે દાવો કરે છે કે તેનો જન્મ તેની બહેન લ્યુસી (જ્યોર્જીના એમોરોસ), જે લ્યુકેમિયાથી પીડાય છે, તેને તેના સ્ટેમ સેલ દ્વારા બચાવવાના હેતુથી થયો હતો. જોકે ઘટનાઓ અણધારો ટર્ન લે છે અને લ્યુસીનું અવસાન થાય છે, જેના કારણે ગ્રેટા એક ઊંડા અસ્તિત્વના ખાલીપણા સાથે છોડી જાય છે.
વિદાય લેતા પહેલા લ્યુસી “ધ મેપ ઓફ લોગિંગ” બનાવે છે, જે ગ્રેટાને તેના દુઃખનો સામનો કરવા અને પોતાનો રસ્તો શોધવાનો પડકાર આપે છે. આ સફરમાં ગ્રેટા વિલ (પાબ્લો આલ્વારેઝ) ને મળશે, જે એક રહસ્યમય યુવાન છે જેનો ભૂતકાળ ભયાનક છે. આ સિરીઝ 17 જુલાઈએ નેટફ્લિક્સ પર જોઈ શકો છો.
અર્જુન બિજલાનીએ મૌની રોય સાથે ડેટિંગની અફવાઓ પર આપી પ્રતિક્રિયા, શું બન્ને સાથે છે?
હાર્ટ સ્ટોપર ફોરએવર
નિક નેલ્સન (કિટ કોનર) અને ચાર્લી સ્પ્રિંગ (જો લોક) ની સ્ટોરી એક ફીચર ફિલ્મ તરીકે પાછી આવે છે. આ કપલ અવિભાજ્ય છે. પરંતુ નિક યુનિવર્સિટી જવાની તૈયારી કરે છે અને ચાર્લીને શાળામાં નવી સ્વતંત્રતા મળે છે. લોન્ગ ડિસ્ટન્સ રિલેશનશિપની વાસ્તવિકતા તેમના પર ભારે પડવા લાગે છે. શંકાઓ ઘેરાઈ જાય છે, અને તેમના સંબંધો અત્યાર સુધીના સૌથી મોટા પડકારનો સામનો કરે છે.
આ દરમિયાન નિક અને ચાર્લીના મિત્રો પણ પ્રેમ અને મિત્રતાના ઉતાર ચઢાવમાંથી પસાર થઈ રહ્યા છે. આ ફિલ્મ હાર્ટસ્ટોપરના ક્રિએટર અને ગ્રાફિક નવલકથાકાર એલિસ ઓસેમેન દ્વારા લખવામાં આવી છે. આ ફિલ્મ 17 જુલાઈએ નેટફ્લિક્સ પર જોઈ શકો છો.
