15 Indian vacationers lifeless in Vietnam : વિયેતનામમાં એક સ્પીડબોટ દુર્ઘટનાગ્રસ્ત થઇ છે. આ સ્પીડબોટ ભારતીય પ્રવાસીઓને લઈ જઈ રહી હતી, ફુ ક્વોક ટાપુ નજીક આ સ્પીટબોટ કોઈ કારણોસર ડૂબી ગઈ છે. આ દુર્ઘટનામાં ઓછામાં ઓછા 15 લોકોના મોતની આશંકા છે. ભારતીય દૂતાવાસે આ જાણકારી આપી છે. જણાવવામાં આવી રહ્યું છે કે આ સ્પીડબોટમાં ભારતીય પ્રવાસીઓ સવાર હતા, જેમાં કેટલાક લોકોને બચાવી લેવામાં આવ્યા છે.
32 ભારતીય પર્યટક સવાર હતા
11 જુલાઈના રોજ સ્થાનિક સમય મુજબ સવારે 10.30 વાગ્યે 32 ભારતીય પ્રવાસીઓને લઈ જતી એક સ્પીડ બોટ ફુ ક્વોકના ‘હોન મી રૂટ ન્ગોઈ’ નજીક ડૂબી ગઈ હતી. બોટમાં 4 વિયેતનામી ક્રૂ લોકો સવાર હતા. ઘણા લોકોને બચાવી લેવામાં આવ્યા હતા. મીડિયા રિપોર્ટ્સ અનુસાર 15થી વધુ લોકોના મોત થયા છે. વિયેતનામના અધિકારીઓ અકસ્માતના કારણોની તપાસ કરી રહ્યા છે.
અહેવાલો અનુસાર ઓશન પીઅર આઇલેન્ડ કંપનીની સ્પીડબોટ હોનના રુટ નામના સ્થળેથી પ્રવાસીઓને એન થોઇ પોર્ટ તરફ લઈ જઈ રહી હતી. સ્પીડબોટ ફુ ક્વોક એરપોર્ટથી લગભગ 25 કિલોમીટર દૂર હોનના રટ એન્ગાઇ નામના સ્થળેથી લગભગ 400 મીટર દૂર પલટી ગઈ હતી. સ્થાનિક અધિકારીઓએ જણાવ્યું હતું કે સ્પીડબોટમાં સવાર તમામ લોકો દરિયામાં પડી ગયા હતા.
#WATCH | A vacationer boat carrying a number of Indian nationals capsized close to Phu Quoc Island, Vietnam.
Video Supply: Voice of Vietnam (VOV) https://t.co/lF8oA6zwcipic.twitter.com/Ko9GUUuUKY
— ANI (@ANI) July 11, 2026
ભારતીય દૂતાવાસે આ માહિતી આપી હતી
વિયતનામ સ્થિત ભારતીય દુતાવાસે એક્સ પર પોસ્ટમાં કહ્યું કે એક દુ:ખદ ઘટનામાં, કેટલાક કલાકો પહેલા વિયેતનામના ફુ ક્વોક ટાપુ નજીક ઘણા ભારતીય પ્રવાસીઓને લઈ જતી સ્પીડ બોટ પલટી ગઈ હતી. સ્થાનિક અધિકારીઓ સાથે શોધ અને બચાવ કામગીરી ચાલી રહી છે અને ઘટના અંગે સચોટ માહિતી એકત્રિત કરવામાં આવી રહી છે.
બાદશાહ સાથે કર્યું કામ, હરિયાણવી મ્યુઝિક ઇન્ડસ્ટ્રીમાં હતો રેપર, જાણો દીપક નાંદલ કેવી રીતે બન્યો ગેંગસ્ટર?
21 લોકોને બચાવી લેવામાં આવ્યા હતા
સ્થાનિક અધિકારીઓએ જણાવ્યું હતું કે વિયેતનામના ફુ ક્વોક ટાપુ નજીક એક પર્યટક સ્પીડબોટ પલટી જવાથી મૃત્યુઆંક વધીને 15 થઈ ગયો છે, જ્યારે 21 લોકોને બચાવવામાં આવ્યા છે. ઓશન પર્લ આઇલેન્ડ કંપની દ્વારા સંચાલિત એજી-26751 નામની આ બોટમાં 32 ભારતીય પ્રવાસીઓ અને 4 વિયેતનામી ક્રૂ મેમ્બર્સ સવાર હતા. આ બોટ હોન મે રૂટ ન્ગોઇથી આઇલેન્ડ હોપિંગ ટૂર માટે નીકળી હતી.
હોટલે એમ પણ જણાવ્યું હતું કે બોટનો કેપ્ટન ખૂબ જ અનુભવી હતો. અધિકારીઓ અકસ્માતનું કારણ શું છે તેની તપાસ કરી રહ્યા છે. બચાવ કામગીરી હજુ પણ ચાલુ છે.
