Israel US Iran Conflict Information: ઈઝરાયલ ઇરાન યુદ્ધથી દુનિયાભરમાં ક્રૂડ ઓઇલ ગેસની કટોકટી સર્જાઇ છે. ઈરાન દ્વારા હોર્મુઝ સ્ટ્રેટ બંધ કરવામાં આવી હોવાથી દુનિયાના મોટાભાગના દેશોમાં ઈંધણની કટોકટીની સ્થિતિ સર્જાઈ છે. આ દરમિયાન અમેરિકાએ ઈરાનને હોર્મુઝ સ્ટ્રેટ 48 કલાકની અંદર ખોલવા જણાવ્યું છે. અમેરિકાના રાષ્ટ્રપતિ ડોનાલ્ડ ટ્રમ્પે ઈરાનને ધમકી આપી છે કે જો આવું નહીં થાય તો તે ઈરાનના પાવર પ્લાન્ટને ઉડાવી દેશે.
સોશિયલ મીડિયા પર એક પોસ્ટમાં અમેરિકી રાષ્ટ્રપતિએ કહ્યું કે, જો ઈરાન આ સમયથી 48 કલાકની અંદર કોઈ પણ ખતરા વિના હોર્મુઝ સ્ટ્રેટ સંપૂર્ણ રીતે ખોલશે નહીં, તો અમેરિકા તેના પાવર પ્લાન્ટ પર હુમલો કરશે અને તેને ઉડાવી દેશે.
અમે ઇઝરાયલના આકાશ પર કબજો કર્યો છે: ઈરાન
ઈરાનના આઈએજીસી એરોસ્પેસ ફોર્સના પ્રમુખ જનરલ સૈયદ માજિદ મૌસાવીએ દાવો કર્યો છે કે ઈરાન હવે ઇઝરાયલના આકાશમાં સરળતાથી પ્રવેશ કરી શકે છે. તેમણે દાવો કર્યો છે કે ઇઝરાયલના આકાશ પર ઇરાન પ્રભુત્વ ધરાવે છે.
મૌસાવીના જણાવ્યા અનુસાર, ઈરાનના ડ્રોન અને મિસાઈલો સરળતાથી ઇઝરાયલ સુધી પહોંચી શકે છે. તેમણે એવો દાવો પણ કર્યો હતો કે અમેરિકા અને ઇઝરાયલને ઈરાન દ્વારા આગામી હુમલાથી આશ્ચર્ય થશે.
از این لحظه #تسلط_موشکی فرزندان ایران را بر آسمان سرزمینهای اشغالی اعلام میکنم.
تاکتیکها و سامانههای پرتاب جدید به کار گرفته شده در موجهای پیش رو، فرماندهان امریکاییصهیونیستی را انگشت به دهان خواهد کرد.
امشب آسمان جنوب سرزمینهای اشغالی ساعتها روشن خواهد ماند.— Seyed Majid Moosavi (@smajid_moosavi) March 21, 2026
સોશિયલ મીડિયા એક્સ પર એક પોસ્ટમાં, મૌસાવીએ કહ્યું, “આ ક્ષણથી, હું કબજા હેઠળના પ્રદેશોના આકાશ પર ઇરાનના પુત્રોનું મિસાઇલ વર્ચસ્વ જાહેર કરું છું. આગામી તરંગોમાં ઉપયોગમાં લેવામાં આવતી નવી યુક્તિઓ અને લોન્ચ સિસ્ટમ્સ અમેરિકન-ઝિયોનિસ્ટ કમાન્ડરોને આંચકો આપશે. આજની રાત્રે, કબજા હેઠળના પ્રદેશોની દક્ષિણે આકાશ કલાકો સુધી પ્રકાશિત રહેશે. ”
ઈરાનનો ઇઝરાયેલના અરાદ અને ડિમોનામાં હુમલા, 100 ઘાયલ
ઇઝરાયલના વડાપ્રધાન બેન્જામિન નેતન્યાહુએ રવિવારે કહ્યું હતું કે તેમણે અરાદના મેયર યાયર મયાન સાથે વાત કરી હતી અને ઇરાન હુમલામાં ઘાયલ થયેલા લોકો માટે પ્રાર્થના કરી હતી. ઇઝરાયેલના વિદેશ મંત્રાલયે જણાવ્યું હતું કે ઇરાન હુમલામાં બાળકો સહિત 100થી વધુ લોકો ઘાયલ થયા છે.
આ પણ વાંચો | અમેરિકન ઇતિહાસમાં સૌથી મોટી ખોટી ગણતરી મોટા પાયે વિનાશ તરફ દોરી જશે,” : ઈરાન યુદ્ધ પર ઓમાનના વિદેશ પ્રધાન
બેન્જામિન નેતન્યાહુએ X પર એક પોસ્ટમાં કહ્યું કે આપણા ભવિષ્ય માટે ચાલી રહેલા અભિયાનની આ અત્યંત મુશ્કેલ સાંજ છે. તેમણે કહ્યું કે ઇઝરાયલ તમામ મોરચે તેના દુશ્મનો પર હુમલો કરવાનું ચાલુ રાખવા માટે પ્રતિબદ્ધ છે. ઇઝરાયેલે એવો પણ દાવો કર્યો છે કે ઇરાને ડિમોનામાં મિસાઇલથી તેના પરમાણુ મથક પર હુમલો કર્યો હતો.
