સોનાના ભાવને લઈને હાલમાં બજારમાં ચકચાર મચી છે. એક તોલા સોનાનો ભાવ માત્ર ₹1,27,000 સુધી પહોંચી શકે તેવી અટકળો ચાલી રહી છે, જે ખરેખર આશ્ચર્યજનક છે. સામાન્ય રીતે યુદ્ધ અથવા તણાવની પરિસ્થિતિમાં સોનાના ભાવમાં વધારો જોવા મળે છે, પરંતુ આ વખતે તેની વિરુદ્ધ સ્થિતિ સામે આવી રહી છે.
છેલ્લા કેટલાક દિવસોથી સોનાના ભાવમાં સતત ઘટાડો નોંધાયો છે. આ ઘટાડાનો મુખ્ય કારણ યુએસ ડોલરની મજબૂતી માનવામાં આવે છે. જ્યારે ડોલર મજબૂત બને છે, ત્યારે આંતરરાષ્ટ્રીય બજારમાં સોનું મોંઘું લાગે છે, જેના કારણે તેની માંગ ઘટે છે અને પરિણામે ભાવમાં ઘટાડો થાય છે.
આ ઉપરાંત, વિશ્વભરની કેન્દ્રીય બેંકો ફુગાવાને કાબુમાં લેવા માટે વ્યાજ દરોમાં વધારો કરવાની દિશામાં આગળ વધી રહી છે. વ્યાજ દર વધતા રોકાણકારો વધુ સુરક્ષિત અને નિશ્ચિત વળતર આપતા વિકલ્પો જેમ કે બોન્ડ અને બેંક ડિપોઝિટ તરફ વળે છે, જેના કારણે સોનાની માંગમાં ઘટાડો થાય છે.
હાલની પરિસ્થિતિમાં સોનું મંદીનો સામનો કરી રહ્યું છે. ટૂંકા ગાળામાં સોનાનો ભાવ ₹1,40,000 થી ₹1,47,000 પ્રતિ 10 ગ્રામની વચ્ચે રહેવાની સંભાવના વ્યક્ત કરવામાં આવી રહી છે. જોકે, જો વૈશ્વિક આર્થિક અને ભૂ-રાજકીય પરિસ્થિતિ યથાવત રહે, તો સોનાનો ભાવ વધુ ઘટીને ₹1,27,000 પ્રતિ 10 ગ્રામ સુધી પહોંચી શકે છે.
નોંધ : ઉપરોક્ત માહિતી પ્રાથમિક આધાર પર આપવામાં આવી છે અને તેને રોકાણ સલાહ તરીકે માનવી નહીં. કોઈપણ પ્રકારનું રોકાણ કે નાણાકીય નિર્ણય લેતા પહેલાં નિષ્ણાતની સલાહ લેવી જરૂરી છે.
10 વર્ષમાં 1 લાખ રૂપિયા ક્યાં રોકવાથી મળશે સૌથી વધુ વળતર? જાણવા માટે અહીં ક્લિક કરો..
