West Bengal TMC Candidate Record 2026 : પશ્ચિમ બંગાળના મુખ્યમંત્રી મમતા બેનર્જીએ મંગળવારે રાજ્યમાં આગામી વિધાનસભા ચૂંટણી માટે તેમની પાર્ટીના ઉમેદવારોની યાદી જાહેર કરી છે. મમતા બેનર્જી પોતે તેમની પરંપરાગત બેઠક ભવાનીપુરથી ચૂંટણી લડશે, જ્યારે નંદીગ્રામમાં ભાજપમાંથી ટીએમસીમાં જોડાયેલા પવિત્ર કરને ઉમેદવાર બનાવવામાં આવ્યા છે.
ટીએમસી 294 બેઠકોમાંથી 291 પર ચૂંટણી લડશે
મમતા બેનર્જીએ કહ્યું કે તેમની પાર્ટી ટીએમસી રાજ્યની 294 બેઠકોમાંથી 291 બેઠકો પર ચૂંટણી લડશે જ્યારે દાર્જિલિંગ હિલ્સમાં બીજીપીએમ ત્રણ બેઠકો પર ઉમેદવાર ઉભા રાખશે. અભિષેક બેનર્જીએ કહ્યું કે ટીએમસીના 291 ઉમેદવારોમાંથી 52 મહિલાઓ, 95 એસસી-એસટી અને 47 લઘુમતી ઉમેદવારો છે. ટીએમસીએ કોલકાતા પોર્ટ પરથી ફિરહાદ હાકીમ, બેલેઘાટાથી કુણાલ ઘોષ અને હાબરા બેઠક પરથી જ્યોતિપ્રિયો મલ્લિકને મેદાનમાં ઉતાર્યા છે.
ટીએમસી દ્વારા જાહેર કરવામાં આવેલી યાદી મુજબ આ વખતે પાર્ટીએ તેના 60 ટકા ઉમેદવારો (135)ને ફરીથી મેદાનમાં ઉતાર્યા છે. ટીએમસીએ 15 ઉમેદવારોની વિધાનસભા બદલી છે અને ૭૪ ઉમેદવારોની ટિકિટ કાપી નાખી છે. વય જૂથની વાત કરીએ તો ટીએમસીએ 31 વર્ષથી ઓછી ઉંમરના 4 ઉમેદવારો, 31-40 વર્ષની વય જૂથના 38 ઉમેદવારો અને 81-90 વર્ષની વય જૂથના 2 ઉમેદવારોને મેદાનમાં ઉતાર્યા છે.
Below the management of our Hon’ble Chairperson Smt. @MamataOfficial, and the steering of Nationwide Basic Secretary Shri @abhishekaitc and State President Shri Subrata Bakshi, we’re happy to announce the total checklist of candidates for the upcoming West Bengal Legislative… pic.twitter.com/KOXzZ29YXz
— All India Trinamool Congress (@AITCofficial) March 17, 2026
કેરળ અને બંગાળ માટે ભાજપની પ્રથમ યાદી જાહેર, સુવેન્દુ અધિકારી બે સીટોથી ચૂંટણી લડશે
મમતા બેનર્જીએ ચૂંટણી પંચની ઝાટકણી કાઢી
ઉમેદવારોની યાદી જાહેર કરતા પહેલા મમતા બેનર્જીએ ચૂંટણી પંચ પર આરોપ લગાવતા કહ્યું કે તે ભાજપ તરફથી સારી રમત રમી રહ્યું છે, તેઓએ સીધો ભાજપ માટે પ્રચાર કરવો જોઈએ. મમતા બેનર્જીએ કહ્યું કે ચૂંટણી પંચ ભાજપના કહેવા પર અધિકારીઓની બદલી કરી રહ્યું છે. ઈદ પહેલા જ વરિષ્ઠ અધિકારીઓની બદલી કરવામાં આવી રહી છે. શું બંગાળની ચૂંટણી પહેલા રમખાણો ભડકાવવાનો કોઈ ઇરાદો છે.
