Immediately Climate, Aaj Nu Havaman, આજનું હવામાન : દેશમાં ગરમીના પ્રકોપ વધી રહ્યો છે. ગુજરાતમાં પણ ગરમીએ પોતાનું અસલી રૂપ દેખાડવાનું શરું કરી દીધું છે. હવામાન વિભાગે ગુજરાતના 9 જિલ્લાઓમાં હીટવેવની આગાહી કરી છે.
ગરમીના પ્રકોપ વચ્ચે હવામાન વિભાગે બિહાર અને ઝારખંડ સહિત 14 રાજ્યોના અનેક જિલ્લાઓમાં વરસાદની ચેતવણી જારી કરી છે. આ સમયગાળા દરમિયાન 40 થી 50 કિલોમીટર પ્રતિ કલાકની ઝડપે પવન સાથે જોરદાર વાવાઝોડાની શક્યતા છે. વાવાઝોડા અને વીજળી પણ પડી શકે છે.
અમદાવાદ સહિત ગુજરાતના 9 જિલ્લાઓમાં ગરમીનું ઓરેન્જ એલર્ટ
ગુજરાતમાં માર્ચમાં જ ગરમી આકરી બનતી જાય છે. બપોરના સમયે રસ્તાઓ સુમસામ ભાસવા લાગ્યા છે. લોકો કામ વગર ઘરમાંથી બહાર નીકળવાનું ટાળવા લાગ્યા છે. માર્ચ મહિનામાં જ ગરમીનો પારો 41 ડિગ્રી પહોંચી ગયો છે.
હવામાન વિભાગે આગામી પાંચ દિવસ હિટવેવની આગાહી કરી છે. IMD પ્રમાણે આજે 11 માર્ચ 2026, બુધવારના દિવસે અમદાવાગ, બનાસકાંઠા, પાટણ, ગાંધીનગર, સુરેન્દ્રનગર, રાજકોટ, મોરબી, જૂનાગઢ અને કચ્છમાં ગરમીનું ઓરેન્જ એલર્ટ જાહેર કર્યું છે. આ વિસ્તારોમાં હીટવેવની ચેતવણી જારી કરી છે.
14 રાજ્યોમાં વરસાદ અને તોફાનની ચેતવણી
હવામાન વિભાગ અનુસાર, આગામી અઠવાડિયામાં 14 રાજ્યોમાં વરસાદની આગાહી છે. વરસાદની ચેતવણી આપનારા રાજ્યોમાં બિહાર, ઝારખંડ, પશ્ચિમ બંગાળ, ઓડિશા, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, અરુણાચલ પ્રદેશ, ઉત્તરાખંડ, હિમાચલ પ્રદેશ અને જમ્મુ અને કાશ્મીરનો સમાવેશ થાય છે.
IMD મુજબ 11 અને 12 માર્ચે જમ્મુ અને કાશ્મીર અને હિમાચલ પ્રદેશમાં અલગ અલગ સ્થળોએ 50 કિલોમીટર પ્રતિ કલાકની ઝડપે પવન સાથે કરા, વીજળી અને વાવાઝોડાની ઉચ્ચ સંભાવના છે.
હવામાન વિભાગ અનુસાર, 11 થી 14 માર્ચ દરમિયાન આસામ, મેઘાલય, નાગાલેન્ડ, મણિપુર, મિઝોરમ અને ત્રિપુરામાં વરસાદની ઉચ્ચ સંભાવના છે, અને લોકોને સાવચેત રહેવાની ચેતવણી આપવામાં આવી છે.
11 થી 15 માર્ચ દરમિયાન ઉત્તરાખંડમાં વરસાદ અને જોરદાર પવનની સંભાવના છે. ઊંચાઈવાળા વિસ્તારોમાં કરા પણ પડી શકે છે.
રાજસ્થાનમાં હવામાન કેવું રહેશે?
ભારતીય હવામાન વિભાગ અનુસાર આજે 11 માર્ચે રાજસ્થાનમાં વરસાદની કોઈ ચેતવણી નથી. જોકે, ઘણા જિલ્લાઓમાં ભારે ગરમી પડવાની શક્યતા છે.
રાજસ્થાનના જે જિલ્લાઓમાં ગરમીની ચેતવણી જારી કરવામાં આવી છે તેમાં પિલાની, અલવર, બાડમેર, બિકાનેર, જોધપુર અને જેસલમેરનો સમાવેશ થાય છે.
આ પણ વાંચોઃ- ગુજરાતમાં ગેસ સંકટ! ઉદ્યોગોના સપ્લાયમાં 50% નો કાપ, શું તમારા ઘરના સિલિન્ડર પર અસર થશે?
પિલાનીમાં મહત્તમ તાપમાન 40 ડિગ્રી સેલ્સિયસ સુધી પહોંચવાની શક્યતા છે. દરમિયાન, જયપુરમાં, કાલે મહત્તમ તાપમાન 36 ડિગ્રી સેલ્સિયસ અને લઘુત્તમ તાપમાન 20 ડિગ્રી સેલ્સિયસ રહેશે.
