ICC 2026 ટી20 વર્લ્ડ કપની ટીમ જાહેર થઈ, આ ચાર ભારતીય ખેલાડીને જગ્યા મળી

સેમસને ત્યાર બાદ રવિવારના રોજ ન્યૂઝીલેન્ડ વિરુદ્ધ 89 રનની ઇનિંગ્સ રમી, જે પુરુષ ટી20 વિશ્વ કપની ફાઇનલમાં હાઈએસ્ટ વ્યક્તિગત સ્કોરનો રેકોર્ડ છે. કિશન ટુર્નામેન્ટમાં 317 રન સાથે સૌથી વધારે રન બનાવનારા ખેલાડીની યાદીમાં ચોથા નંબર પર રહ્યો છે. તેણે 193.29ની સ્ટ્રાઇક રેટથી બેટિંગ કરતા ટીમના ટોપ ક્રમને મજબૂત કર્યો. કિશને પાકિસ્તાન વિરુદ્ધની ઇનિંગ્સમાં 77 રન બનાવ્યા હતા. તેણે સુપર 8માં ત્રીજા ક્રમ પર બેટિંગ કરતા સેમિફાઇનલમાં ઈંગ્લેન્ડ અને ફાઇનલમાં ન્યૂઝીલેન્ડ વિરુદ્ધ અડધી સદી ફટકારી હતી.

બુમરાહ ટુર્નામેન્ટમાં સંયુક્ત રીતે સૌથી વધારે વિકેટ લેનારો બોલર બન્યો. તેણે આઠ મેચમાં 14 વિકેટ લીધી છે. ફાઇનલમાં તેણે 15 રન આપીને ચાર વિકેટ લીધી અને આખી ટુર્નામેન્ટમાં તેની ઇકોનોમી 6.21ની રહી. પાકિસ્તાનના સાહિબઝાદા ફરહાન ટુર્નામેન્ટમાં સૌથી વધારે રન બનાવનારો ખેલાડી રહ્યો અને તેણે કુલ 383 રન બનાવ્યા. તેની સરેરાશ 76.60 રહી અને તેમાં શ્રીલંકા અને નામિબિયા વિરુદ્ધ બે સદી પણ સામેલ છે.

આઈસીસી મેન્સ ટી20 વિશ્વ કપ 2026ની ટીમ