Final Up to date:
કોર્ટે નિર્માતાઓને ફિલ્મના ટાઈટલ અને કહાની પર ફરી એક વાર વિચાર કરવા કહ્યું છે. સાથે જ એવા પણ સંકેત આપ્યા છે કે ફિલ્મમાં જો કંઈ પણ વાંધાજનક હશે તો કોર્ટ હસ્તક્ષેપ કરી શકશે.
Supreme Courtroom on Ghuskhor Pandit Film: ફિલ્મ ઘુસખોર પંડિત પર થયેલો વિવાદ હવે સુપ્રીમ કોર્ટ સુધી પહોંચી ચૂક્યો છે. આ મામલામાં એક અરજી પર સુનાવણી કરતા કોર્ટે ફિલ્મના મેકર્સને ફટકાર લગાવી છે. સુપ્રીમ કોર્ટે સેન્સર બોર્ડને પણ નોટિસ ફટકારી છે અને સાથે જ તેમની ભૂમિકા પર પણ સવાલો ઊભા કર્યા છે. કોર્ટે કહ્યું કે, અભિવ્યક્તિની આઝાદીનો મતલબ સમાજના કોઈ પણ વર્ગને નીચો બતાવવો અથવા અપમાનિત કરવાનો નથી. પીઠે સ્પષ્ટ કહ્યું કે ક્રિએટિવ હોવું સારી વાત છે પણ તેને સંવૈધાનિક મૂલ્યો તથા સામાજિક સંવેદનશીલતાના દાયરામાં રહીને પ્રયોગ કરવો જોઈએ. કોર્ટે નિર્માતાઓને ફિલ્મના ટાઈટલ અને કહાની પર ફરી એક વાર વિચાર કરવા કહ્યું છે. સાથે જ એવા પણ સંકેત આપ્યા છે કે ફિલ્મમાં જો કંઈ પણ વાંધાજનક હશે તો કોર્ટ હસ્તક્ષેપ કરી શકશે.
આ સુનાવણીમાં કોર્ટે સ્પષ્ટ કર્યું કે જો ફિલ્મનું ટાઈટલ પહેલા નહીં બતાવો તો તેને રિલીઝ કરવાની પરમિશન નહીં મળે. જસ્ટિસ બી.વી.નાગરત્નાએ સુનાવણી દરમ્યાન કહ્યું કે, અભિવ્યક્તિની સ્વતંત્રતાના નામ પર કોઈનું અપમાન કરવાનો અધિકાર મળી જતો નથી. ખાસ કરીને ત્યારે જ્યારે સમાજ પહેલાથી વિભાજન અને તણાવનો સામનો કરી રહ્યો હોય. આ મામલાની આગામી સુનાવણી હવે 19 ફેબ્રુઆરીએ થશે.
