આ 2 વસ્તુઓ ખાધા પછી જોન અબ્રાહમને થઇ જાય છે ડાયરિયા, જાણો ટ્રેનરે શું કહ્યું

ડાયટને લઈને સ્ટ્રિક્ટ છે જોન અબ્રાહમ

હિન્દી રશને આપેલાં ઇન્ટરવ્યૂમાં ચન્નાએ જોન અબ્રાહમની ફિટનેસ જર્ની પર વાત કરતા જણાવ્યું હતું કે જોન એનાં ડાયટમાં કોઈપણ પ્રકારનું કોમ્પ્રોમાઇઝ કરતા નથી. એક્ટરે જણાવ્યું કે ટ્રેનર પોતે પણ ગળ્યું ખાવાની સલાહ આપે છે, તેમ છતાં જોન ખાંડથી દૂર રહે છે. વિનોદ અનુસાર જોન એક શિસ્તબદ્ધ વ્યક્તિ છે. ટ્રેનર જણાવે છે કે જોનને હું એમ કહું કે તમારે માત્ર ચાર જ પ્રકારની વાનગીઓ ખાવાની છે તો માત્રને માત્ર એ ચાર જ વસ્તુઓ ખાશે. એ બીજી કોઈ વસ્તુને હાથ પણ લગાવશે નહીં. એક્ટર પોતાનાં ડાયટને સ્ટ્રિક્ટ ફોલો કરે છે.

જોનને લઈને ટ્રેનરનું શું કહેવું છે?

જોનનો એક કિસ્સો શેર કરતા વિનોદ જણાવે છે કે એકવાર ફિલ્મનાં શૂટિંગ દરમિયાન જોનની સાથે હું હાજર હતો. કોઈ વિદેશી રાજકુમારી જે જોનની દોસ્ત હતી અને સેટ પર આવી હતી. ડાઇનિંગ ટેબલ પર મૂકેલી લગભગ બધી વસ્તુઓ પૂરી કરી દીધી હતી અને મજાકમાં કહ્યું હતું કે જોને બધું ખાઈ લીધું છે. આની પર વિનોદે તરત જવાબ આપતા કહ્યું કે આ બિલકુલ પોસિબલ નથી. ટ્રેનરે વધુમાં જણાવ્યું કે મને સો ટકા વિશ્વાસ છે કે જોન આટલો બધો ખોરાક ખાય નહીં કારણકે એ ક્યારેય પણ ડાયટની સાથે કોમ્પ્રોમાઇઝ કરતા નથી.

પેટ થઈ જાય છે ખરાબ

વિનોદ આગળ જણાવે છે કે જોન અબ્રાહમ વર્ષોથી ખાંડ ખાતા નથી. આમ, જોન છેલ્લાં ઘણાં સમયથી ડાયટ ફોલો કરે છે તેમ છતાં રીંગણ અને ભીંડાનું શાક ખાઈ લે તો અચાનક પેટમાં ગડબડ થઈ શકે છે. આ વસ્તુઓ ઘણાં સમયથી ખાધી નથી. આમ, જો આ વસ્તુઓ અચાનક ખાવામાં આવી જાય તો પેટ પચાવી શકતું નથી.