Ankit Baliyan Homicide : યુટ્યુબર અને હરિયાણવી ગાયક અંકિત બાલિયાનની બુધવારે સાંજે ઉત્તર પ્રદેશના શામલી જિલ્લામાં જીમમાંથી બહાર નીકળતી વખતે ગોળી મારીને હત્યા કરવામાં આવી હતી. હુમલાખોરોએ તેના પર 18 રાઉન્ડ ગોળીબાર કર્યો હતો, જેમાં તે ગંભીર રીતે ઇજાગ્રસ્ત થયો હતો. પોલીસ ઘટનાસ્થળે પહોંચી હતી અને અંકિત બાલિયાનને હોસ્પિટલમાં લઈ ગઈ હતી, જ્યાં ડોક્ટરોએ મૃત જાહેર કર્યો હતો.
શામલીના એસપી એનપી સિંહે શું કહ્યું
આ ઘટનાને લઇને શામલીના એસપી એનપી સિંહે જણાવ્યું હતું કે ડાયલ 112 પર ફોન આવ્યો હતો. અમને માહિતી મળી હતી કે બંટી ખેડાના રહેવાસી અંકિત બાલિયાન જીમમાં આવ્યો હતો. જીમમાંથી બહાર નીકળતાની સાથે જ 3-4 લોકોએ ગોળી મારીને હત્યા કરી દીધી હતી. અમે મૃતદેહને પોસ્ટમોર્ટમ ગૃહમાં મોકલી દીધો છે. પોલીસ ટીમો કેસની તપાસ કરી રહી છે. બીજી તરફ અંકિતના પરિવારે હુમલાખોરોની ધરપકડ ન થાય ત્યાં સુધી તેમના અંતિમ સંસ્કાર કરવાનો ઇનકાર કર્યો છે.
Shamli, Uttar Pradesh: Haryanvi artist Ankit Baliyan was shot lifeless by unidentified attackers in Shamli. His household has refused to carry out his final rites till the accused are arrested. pic.twitter.com/uqKgxc2nXr
— IANS (@ians_india) August 26, 2026
અંકિત બાલિયાન હરિયાણવી સંગીત અને સોશિયલ મીડિયાની દુનિયામાં સક્રિય હતો. તે તેના ગીત “ભરી કોર્ટ મેં ગોલી મારેંગે મેરી જાન” થી ખૂબ ચર્ચિત થયો હતો. 2013માં શામલીમાં થયેલા તેમના રોડ શો ની પણ ચર્ચા થઈ હતી.
“અવાજ એવો હતો કે જાણે જ્વાળામુખી ફાટ્યો હોય, લોકો ચીસો પાડતા ભાગ્યા”, નેપાળમાં પૂરથી તબાહી, જુઓ VIDEO
પોલીસ સીસીટીવી ફૂટેજ તપાસી રહી છે
પોલીસે હુમલાખોરોની ઓળખ કરવા માટે ગુના સ્થળની આસપાસ લગાવેલા સીસીટીવી ફૂટેજ સ્કેન કરવાનું શરૂ કર્યું છે. અધિકારીઓનું કહેવું છે કે તપાસ બાદ જ ઘટનાનું સંપૂર્ણ કારણ સ્પષ્ટ થશે.
