The best way to Make Pizza with out Maida and Oven : બાળકો હોય કે પુખ્ત વયના લોકો લગભગ દરેકને પિઝા ખાવાનું પસંદ છે. પરંતુ સામાન્ય રીતે પિઝાનો બેઝ મેંદામાંથી તૈયાર કરવામાં આવે છે, જે સ્વાસ્થ્ય માટે હાનિકારક છે. મેંદાના વધુ પડતા સેવનથી પાચનની સમસ્યાઓ તેમજ વજન વધવા અને સુસ્તી જેવી સમસ્યાઓ થઈ શકે છે. ઉપરાંત, તેને પચવામાં વધુ સમય લાગે છે. આ જ કારણ છે કે સ્વાસ્થ્ય પ્રત્યે સભાન લોકો ઘણીવાર પિઝા ખાવાથી દૂર રહે છે.
પરંતુ તમારી આ સમસ્યા દૂર થઈ શકે છે. કારણ કે તમે મેંદા વિના પણ સ્વાદિષ્ટ અને હેલ્ધી પિઝા બનાવી શકો છો. કેટલાક સરળ અને પૌષ્ટિક વિકલ્પોની મદદથી તમે આવા પિઝા ઘરે બનાવી શકો છે, જે સ્વાદમાં પણ ઉત્તમ છે અને સ્વાસ્થ્ય માટે પણ વધુ સારા સાબિત થાય છે. મેંદાને બદલે તમે સોજી પિઝા બનાવી શકો છો, જે ખાવામાં હેલ્ધી સાથે સ્વાદિષ્ટ છે. સોજીના પિઝા બનાવવાની સરળ રેસીપી જાણીએ.
સોજીના પિઝા બનાવવા માટેની સામગ્રી
- 1 કપ સોજી
- અડધો દહીં
- સ્વાદ મુજબ મીઠું
- 1 ચમચી બેકિંગ સોડા
- ઝીણા સમારેલા શિમલા મિર્ચ
- 2-3 મોટી ચમચી સ્વીટ કોર્ન
- 1 મધ્યમ કદનું ટામેટું (ઝીણા સમારેલા)
- અડધો કપ પનીરનો ટુકડો
- 2 મોટી ચમચી ટમેટા કેચપ
- અડધો કપ મોઝેરેલા ચીઝ (છીણેલું )
- અડધી ચીલી ફ્લેક્સ
- અડધી ચમચી ઓરેગાનો
સ્વાદ વધારવા માટે, તમે ઝીણી સમારેલી ડુંગળી, ઓલિવ અથવા બાફેલા શાકભાજી પણ ઉમેરી શકો છો.
સોજીના પિઝા રેસીપી
સૌ પ્રથમ એક બાઉલમાં સોજી, દહીં અને થોડું પાણી ઉમેરીને ઘટ્ટ બેટર તૈયાર કરો. બેટર ખૂબ પાતળું અથવા ખૂબ જાડું ન હોવું જોઈએ. તેને 15-20 મિનિટ સુધી ઢાંકીને રાખો, જેથી સોજી સારી રીતે ફૂલી જાય અને બેઝ નરમ બને.
હવે બેટરમાં મીઠું અને બેકિંગ સોડા ઉમેરી હળવા હાથે મિક્સ કરી લો. આ પછી નૉન-સ્ટીક તવો ગરમ કરી તેમાં થોડું તેલ લગાવીને ગ્રીસ કરો. જ્યારે તવો ગરમ થાય ત્યારે તેમાં બેટર રેડો અને હળવા હાથે પાથરી લો. બેટર વધારે પાતળું ન થાય તેની કાળજી લો, કારણ કે પિઝાનો બેસ થોડો મોટો સારો લાગે છે.
હવે તવાને ઢાંકી ધીમા તાપ પર 2-3 મિનિટ સુધી રાંધી લો. જ્યારે બેસ ગોલ્ડન બ્રાઉન અને તળિયેથી હળવા ક્રિસ્પી થાય છે, ત્યારે સમજો કે પીઝાનો બેસ તૈયાર છે. તે પછી તેને ફેરવો અને ગેસની ફ્લેમ ધીમી કરો.
જાણો કેટલા મહિનામાં બદલી દેવું જોઈએ આરઓનું ફિલ્ટર અને પાણી
હવે પાકેલી બાજુ પર ટોમેટો કેચઅપ અથવા પિઝા સોસ પાથરી લો. તેમાં ઉપરથી સમારેલા કેપ્સિકમ, સ્વીટ કોર્ન, ટામેટાં, પનીરના ટુકડા અને તમારી પસંદગીના અન્ય શાકભાજી સાથે ટોચ પર રાખો. અંતમાં ઉપરથી મોઝેરેલા ચીઝ ઉમેરો.
તવાને ફરીથી ઢાંકી દો અને 4-5 મિનિટ સુધી ધીમી આંચ પર પકવા દો, જેથી ચીઝ સારી રીતે પીગળી જાય અને ટોપિંગ પણ હળવી પાકી જાય. જ્યારે વસ્તુઓ મેલ્ટ થાય ત્યારે ગેસ બંધ કરો. ઉપરથી ચિલી ફ્લેક્સ અને ઓરેગાનો નાખો. તમારો ટેસ્ટી અને હેલ્ધી સોજી પિઝા તૈયાર છે.
