Mirzapur The Film Assessment : મિર્ઝાપુર સિરીઝ છેલ્લા 7 વર્ષથી દર્શકોની ફેવરિટ રહી છે. આવી સ્થિતિમાં જ્યારે તેના મેકર્સે જાહેરાત કરી હતી કે તેઓ આ સિરીઝને ફિલ્મ તરીકે થિયેટરમાં લાવશે. તેથી દેખીતી રીતે ચાહકોમાં ઉત્સાહ અલગ હતો. આજે 4 સપ્ટેમ્બરે ‘મિર્ઝાપુર ધ મૂવી’ પોતાનો ભૌકાલ બતાવવા માટે થિયેટરોમાં આવી ગઇ છે અને તેને જોયા પછી કહી શકાય કે આપણને બધાને આપણી ધીરજના ફળ મીઠા મળ્યા છે.
ફિલ્મની કહાની શું છે?
ફિલ્મની શરૂઆત કાલિન ભૈયા (પંકજ ત્રિપાઠી) તમને મિર્ઝાપુર અને તેમાં ચાલી રહેલ વર્ચસ્વ અને ગાદીની લડાઈ વિશે જણાવવાથી શરૂ થાય છે. કાલિન ભૈયા કહે છે કે ગાદી પર પોતાનું સ્થાન બનાવી રાખવા માટે બાહુબલની જરૂર પડે છે અને તે ડર પર આધારિત છે. કાલિન ભૈયા પોતાની ગાદી પ્યારી છે પરંતુ તેમને પોતાના ઉત્તરાધિકારીની પણ ચિંતા છે. તે પોતાના પુત્ર મુન્ના (દિવ્યેન્દુ)ને નાલાયક અને રોતડો માને છે. આવી સ્થિતિમાં તેના રાઇટ અને લેફ્ટ હેન્ડ ગુડ્ડુ ભૈયા (અલી ફઝલ) અને બબલુ પંડિત (જિતેન્દ્ર કુમાર) તેમના સામ્રાજ્ય ચલાવવામાં તેમનો સાથ આપી રહ્યા છે.
મિર્ઝાપુર ચલાવવા માટે કાલિન ભૈયા એટલે કે અખંડાનંદ ત્રિપાઠી માત્ર કાર્પેટનો જ વ્યવસાય કરતા નથી. વર્ચસ્વ જાળવવા માટે તેઓએ તેમના હાથને લોહીથી પણ રંગવા પડે છે. અફીણના ધંધામાં એન્ટ્રી કરનાર કાલિન ભૈયાને નવા ડીલરની જરૂર છે. આવી સ્થિતિમાં બબ્બન બબુઆ (રવિ કિશન)ની એન્ટ્રી થાય છે. બબ્બન અફીણ લઈને જેસલમેરથી ભાગેલો છે. તે મિર્ઝાપુરમાં તેના માલનો ધંધો કરવા માંગે છે. મિર્ઝાપુર આવ્યા બાદ તેને ગાદીના ખેલમાં કૂદવાની પ્રેરણા મળે છે. બસ અહીંથી જ તે કાલિન ભૈયા અને તેની સાથે જોડાયેલા તમામ લોકોને ખતમ કરવાનો સ્વાંગ રચવા લાગે છે. પરંતુ મિર્ઝાપુરની ગાદ્દી મેળવવી એટલી સહેલી નથી.
ફર્સ્ટ હાફમાં તમને ગુડ્ડુ ભૈયાની તાકાત જોવા મળે છે. તેઓ લોકોને એવી રીતે ધોઈ નાખે છે કે તમારું દિલ ખુશ થઇ જશે. પરંતુ તેમનો ખેલ ત્યાં સમાપ્ત થતો નથી. ગુડ્ડુ ભૈયાના ખભા પર મોટી જવાબદારી છે અને તેની પાછળ મુન્ના ભૈયા પણ છે. મુન્ના ભૈયા વિ ગુડ્ડુ ભૈયા એ ફિલ્મની યુએસપી છે. બંને બીજા હાફમાં હીરો તરીકે ઉભરી આવે છે. બંનેની જુગલબંધી, મસ્તી અને તકરાર અદ્ભુત છે.
પર્ફોમન્સ
પંકજ ત્રિપાઠી મિર્ઝાપુરનો ચહેરો છે, તેમાં કોઈ શંકા નથી. તેનો જલવો સિરીઝ પછી ફિલ્મમાં પણ છે. પરંતુ જો એવું કહેવામાં આવે કે આ ફિલ્મ અલી ફઝલની છે તો તે ખોટું નહીં ગણાય. અલી ફઝલ હંમેશા ગુડ્ડુ પંડિતના રોલમાં ચમકતો રહ્યો છે. તેમ છતાં એણે આ ફિલ્મમાં એટલો શાનદાર પર્ફોમન્સ આપ્યો છે કે તમે એના માટે સીટી વગાડવાથી અને હૂટિંગ કરવાથી પોતાને રોકી નહીં શકો. મુન્ના ભૈયાની ભૂમિકામાં દિવ્યન્દુ માટે પણ આવું જ કહી શકાય છે. દિવ્યંદુએ મુન્ના ત્રિપાઠીની સ્વેગને જબરદસ્ત રીતે સ્ક્રીન પર લાવવામાં આવ્યો છે.
રવિ કિશન પણ આ ફિલ્મની જાન છે. વિલન બબ્બન બબુઆના રોલમાં તેણે જે અદ્ભુત કામ કર્યું છે, તે ભાગ્યે જ કોઈ કરી શકે છે. દરેક ડાયલોગ સાથે રવિ કિશન પોતાના ચહેરાના હાવભાવને એવી રીતે બદલી નાખે છે કે જોવાની મજા આવે છે. બબ્બનની ભૂમિકા ભજવનાર રવિ કિશન આપણા મિર્ઝાપુરની ‘એવેન્જર્સ’ને જોરદાર લડત આપે છે. તેનો રાઇટ હેન્ડ મોહિત મલિક પણ અદ્ભુત છે. આ સિવાય રસિકા દુગ્ગલ, શીબા ચઢ્ઢા, સુશાંત સિંહ, રાજેશ તૈલંગ, કુલભૂષણ ખરબંદા, શ્વેતા ત્રિપાઠી અને શ્રિયા પિલગાંવકરે આ ફિલ્મમાં પોતાના પાત્રો સારી રીતે ભજવ્યા છે.
Mirzapur: The Movie માટે કોણે લીધી કેટલી ફી? કાલીન ભૈયાથી લઈને રવિ કિશન સુધીની સંપૂર્ણ યાદી રિવીલ
મિર્ઝાપુર ધ મૂવીમાં, નિર્માતાઓએ ચાહકોને તે બધું આપ્યું છે જે સિરીઝમાં મિસ હતું. આ ફિલ્મ રક્તપાત અને એક્શનથી ભરેલું છે, સાથે તેમાં કોમેડીથી ભરેલી ક્ષણો પણ છે. મિર્ઝાપુરની ગાદી માટેની આ લડાઇમાં ઘણા મોટા ટ્વિસ્ટ છે. ફિલ્મનું અદ્ભુત સંગીત તમારા મૂવીના અનુભવમાં ઉમેરો કરે છે. આ ફિલ્મ સંપૂર્ણપણે દર્શકો માટે છે અને તેને ચૂકી જવી એ ભૂલ હશે.
