ભાવનગરઃ હાલના સમયમાં જોઈએ તો મહિલાઓ અલગ અલગ પ્રકારનો વ્યવસાય શરૂ કરીને આત્મનિર્ભર બની રહી છે, આ ઉપરાંત સરકાર દ્વારા પણ મહિલાઓ આત્મનિર્ભર બને અને પોતાનો ગૃહ ઉદ્યોગ શરૂ કરી શકે તે માટે લોન અને સહાય પણ પૂરી પાડવામાં આવી રહી છે. સરકારી યોજનાઓનો લાભ ઉઠાવી અનેક મહિલાઓ સાબુ, શેમ્પૂ, ખાખરા, ખાણીપીણીની અલગ-અલગ વસ્તુઓ, ભરત ગુંથણ, હસ્તકલા વગેરે ગૃહ ઉદ્યોગો શરૂ કરીને તેમાંથી સારી એવી આવક મેળવી રહી છે. ત્યારે ભાવનગર જિલ્લાના સિહોર તાલુકાના ગુંદાળા-ટાણા ગામે રહેતા સખી મંડળના બહેન અલગ-અલગ પ્રકારના સાબુ સહિતની વસ્તુઓ તૈયાર કરી તેનું વેચાણ કરી લાખો રૂપિયાની આવક મેળવી રહ્યા છે.
