ભારત-યૂરોપીય સંઘ વચ્ચે FTA પર સફળતાપૂર્વક વાતીચીત થઈ, મંગળવારે થશે ઐતિહાસિક ઘોષણા

વાણિજ્ય સચિવે ઘોષણા કરી કે હાલમાં ડીલના ડ્રાફ્ટની કાનૂની તપાસ ચાલી રહી છે. સરકારના પ્રયત્નો આ પ્રક્રિયાને જલદી પૂરી કરી ડીલ પર હસ્તાક્ષર કરવાની છે. આશા છે કે આ ડીલ પર આ વર્ષે હસ્તાક્ષર થઈ જશે અને આગામી વર્ષની શરૂઆતમાં પ્રભાવી થઈ શકે છે. આ એફટીએ દ્વારા ભારત અને યુરોપિયન સંઘ મંગળવારે એક રણનીતિક રક્ષા ડીલ અને પ્રવાસીઓની સુગમ અવરજવરને અંતિમ રૂપ આપશે. પ્રધાનમંત્રી નરેન્દ્ર મોદી આ શિખર સંમેલનમાં યુરોપિયન આયોગના અધ્યક્ષ ઉર્સુલા વોન ડેર લેયેન અને યુરોપિયન પરિષદના અધ્યક્ષ એન્ટોનિયો કોસ્ટાની મેજબાની કરશે. આશા છે કે આ બેઠક વેપાર અને સુરક્ષા પર વોશિંગ્ટનની નીતિઓથી ઉત્પન્ન ભૂ-રાજનીતિક અસ્થિરતાની વચ્ચે બંને પક્ષો માટે એ વેપાર દૃષ્ટિકોણ રજૂ કરશે.

વોન ડેર લેયેને સોમવારે કહ્યું કે, એક સફળ ભારત દુનિયાને વધારે સ્થિર, સમૃદ્ધ અને સુરક્ષિત બનાવે છે. તેનાથી આપણને બધાને લાભ થાય છે. તેમણે ગણતંત્ર દિવસ પરેડમાં યુરોપિયન સંઘની સૈન્ય ટુકડીની ભાગીદારીને બંને પક્ષો વચ્ચેના સુરક્ષા સહયોગનો એક શક્તિશાળી પ્રતીક ગણાવ્યું. તેમણે પરિણામોની પુષ્ટિ કરતા કહ્યું કે, કાલે અમારી સુરક્ષા અને રક્ષા ભાગીદારી પર હસ્તાક્ષર સાથે તેનું સમાપન થશે.

યુરોપિયન સંઘના વેપાર અને આર્થિક સુરક્ષા આયુક્ત મારોસ સેફકોવિચે ગણતંત્ર દિવસ સમારંભ જોયા બાદ સંકેત આપ્યા કે ભારત-યુરોપિયન સંઘ મુક્ત વેપાર ડીલને મંગળવારે અંતિમ રૂપ આપી દેવામાં આવશે. તેમણે સોશિયલ મીડિયા પર કહ્યું કે ભારતના ગણતંત્ર દિવસ માટે અતિથિ તરીકે આમંત્રિત થવું ગાઢ સન્માન છે. અમારી ભાગીદારીની પુષ્ટિ કરવા અને એક મહત્ત્વકાંક્ષી એફટીએના સમાપન દ્વારા તેને વધારે મજબૂત કરવા માટે તેનાથી વધારે ઉપયુક્ત બીજી કોઈ ક્ષણ હોઈ શકે નહીં.