Indian Cricket Staff Schedule 2026 : ભારતીય ક્રિકેટ ટીમ માટે 2025નું વર્ષ વ્હાઇટ બોલમાં શાનદાર રહ્યું હતું. જ્યારે ટેસ્ટ મેચમાં ટીમ માટે નિરાશાજનક રહ્યું હતું. હવે તૈયારી 2026ની છે, જેમાં ટી-20 વર્લ્ડ કપ, એશિયન ગેમ્સ તેમજ વિમેન્સ ટી-20 વર્લ્ડ કપ 2026 યોજાશે. આટલું જ નહીં વર્ષ 2026માં ભારતીય ટીમ વન ડે વર્લ્ડ કપ 2027ની પણ તૈયારી કરશે.
ભારતીય મેન્સ ક્રિકેટ ટીમ વર્ષ 2026માં ન્યૂઝીલેન્ડ સામેની ત્રણ વન ડેની શ્રેણી સાથે પોતાના અભિયાનનો પ્રારંભ 11 જાન્યુઆરીથી કરશે. આ પછી પાંચ મેચની ટી-20ની શ્રેણી રમાશે. ત્યારબાદ 7 ફેબ્રુઆરીથી 8 માર્ચ દરમિયાન ટી 20 વર્લ્ડ કપ 2026 રમાશે. વર્લ્ડ કપ બાદ ભારતીય ટીમ વર્ષના અંત સુધીમાં લગભગ 5 ટેસ્ટ અને 15 વન ડે રમશે.
બે આઈસીસી ટાઈટલ અને 2 ગોલ્ડ મેડલ દાવ પર
વર્ષ 2026 ભારતીય મેન્સ ક્રિકેટ ટીમ માટે જેટલું મહત્વનું છે તેટલું જ મહિલા ક્રિકેટ ટીમ માટે પણ મહત્વનું છે. વર્ષ 2025માં મેન્સ ટીમે ચેમ્પિયન્સ ટ્રોફી ટાઈટલ જીત્યું હતુ, જ્યારે મહિલા ટીમે વન ડે વર્લ્ડ કપ જીત્યો હતો. હવે ફરી એકવાર મહિલા અને પુરુષ ટીમોની નજર વર્ષ 2026માં એક-એક આઇસીસી ટાઈટલ પર રહેશે. આ વર્ષે પુરૂષ અને મહિલા બંને ટી-20 વર્લ્ડ કપ રમશે.
આ પણ વાંચો – કોણ છે ખુશી મુખર્જી, જેણે સૂર્યકુમાર યાદવ પર લગાવ્યો મેસેજ કરવાનો આરોપ
એશિયન ગેમ્સ 2023માં ભારતીય મેન્સ ટીમે ઋતુરાજ ગાયકવાડની કેપ્ટન્સી હેઠળ અને હરમનપ્રીત કૌરની કેપ્ટન્સી હેઠળની મહિલા ટીમે ગોલ્ડ મેડલ જીત્યો હતો. ચાલુ વર્ષે પણ બે ગોલ્ડ મેડલ દાવ પર લાગશે. આ વખતે કોમનવેલ્થ ગેમ્સમાંથી ક્રિકેટને હટાવી દેવામાં આવ્યું છે. ગત સિઝનમાં ભારતની મહિલા ટીમે સિલ્વર મેડલ જીત્યો હતો.
ભારતીય મેન્સ ક્રિકેટ ટીમ કાર્યક્રમ 2026
| શ્રેણી/ટૂર્નામેન્ટ્સ | યજમાન દેશ | ફોર્મેટ | મેચ | તારીખ |
| ન્યૂઝીલેન્ડનો ભારત પ્રવાસ | ભારત | વન-ડે, ટી-20 | 3 વન-ડે, 5 ટી-20 મેચ | 11-31 જાન્યુઆરી 2026 |
| ટી 20 વર્લ્ડ કપ 2026 | ભારત/શ્રીલંકા | ટી-20 | 49 ટી-20 | 7 ફેબ્રુઆરી – માર્ચ 8, 2026 |
| આઈપીએલ 2026 | ભારત | ટી-20 | – | 27 માર્ચ – 31 મે 2026 |
| અફઘાનિસ્તાનનો ભારત પ્રવાસ | ભારત | વન-ડે, ટેસ્ટ | 1 ટેસ્ટ, 3 વન-ડે | જૂન 2026 |
| ભારતનો ઇંગ્લેન્ડ પ્રવાસ | ઇંગ્લેન્ડ | વન-ડે, ટી-20 | 3 વન-ડે, 5 ટી-20 મેચ | 1-19 જુલાઈ 2026 |
| ભારતનો શ્રીલંકા પ્રવાસ | શ્રીલંકા | ટેસ્ટ | 2 ટેસ્ટ (ડબલ્યુટીસીનો ભાગ) | ઓગસ્ટ 2026 |
| ભારત બાંગ્લાદેશ પ્રવાસ * | બાંગ્લાદેશ | વન-ડે, ટી-20 | 3 વન-ડે, 5 ટી-20 મેચ | સપ્ટેમ્બર 2026 |
| એશિયન ગેમ્સ 2026* | જાપાન | ટી-20 | 1-3 ટી-20 | 19 સપ્ટેમ્બર – 4 ઓક્ટોબર 2026 |
| ભારતનો અફઘાનિસ્તાન પ્રવાસ* | ન્યૂટ્રલ | ટી-20 | 3 ટી-20 | સપ્ટેમ્બર/ઓક્ટોબર 2026 |
| વેસ્ટ ઈન્ડિઝનો ભારત પ્રવાસ | ભારત | વન-ડે, ટી-20 | 3 વન-ડે, 5 ટી-20 મેચ | ઓક્ટોબર/નવેમ્બર 2026 |
| ભારતનો ન્યૂઝીલેન્ડ પ્રવાસ | ન્યૂઝીલેન્ડ | ટેસ્ટ, વન-ડે, ટી-20 | 2 ટેસ્ટ, 3 વનડે, 5 ટી-20 | નવેમ્બર/ડિસેમ્બર 2026 |
વર્ષ 2026 માટે ભારતીય વિમેન્સ ક્રિકેટ ટીમ કાર્યક્રમ
| શ્રેણી/ ટૂર્નામેન્ટ્સ | યજમાન | ફોર્મેટ | મેચ | તારીખ |
| ભારતનો ઓસ્ટ્રેલિયા પ્રવાસ | ઓસ્ટ્રેલિયા | ટેસ્ટ, વન-ડે, ટી-20 | 1 ટેસ્ટ, 3 વનડે, 3 ટી-20 | 15 ફેબ્રુઆરી – 9 માર્ચ 2026 |
| ભારતનો ઇંગ્લેન્ડ પ્રવાસ | ઇંગ્લેન્ડ | ટી-20 | 3 ટી-20 આંતરરાષ્ટ્રીય | 28 મે – જૂન 2, 2026 |
| આઈસીસી મહિલા ટી 20 વર્લ્ડ કપ 2026 | ઇંગ્લેન્ડ | ટી-20 | મુખ્ય ટુર્નામેન્ટ્સ | 12 જૂન – 5 જુલાઈ, 2026 |
| ભારતનો ઇંગ્લેન્ડ પ્રવાસ | ઇંગ્લેન્ડ | ટેસ્ટ | એકમાત્ર ટેસ્ટ (લોર્ડ્સ) | 10મી જુલાઈ – 13મી જુલાઈ 2026 |
| એશિયન ગેમ્સ 2026 | જાપાન | ટી-20 | ટી-20 ટૂર્નામેન્ટ | 19 સપ્ટેમ્બર – 4 ઓક્ટોબર 2026 |
