જીવનશૈલી | નવજાત શિશુઓ કદમાં નાના હોઈ શકે છે, પરંતુ તેમની પાસે ઘણી બધી નોંધપાત્ર ક્ષમતાઓ હોય છે જે કોઈપણને આશ્ચર્યચકિત કરી શકે છે. જન્મ પછીના પહેલા અઠવાડિયામાં તેમના શરીર અને મનનો ઝડપથી વિકાસ થાય છે.
નવજાત શિશુઓના જીવનનો આ પ્રારંભિક તબક્કો સૌથી રસપ્રદ અને મહત્વપૂર્ણ માનવામાં આવે છે. અહીં જાણો કેટલાક નવજાત શિશુઓને લગતા આશ્ચર્યજનક ફેક્ટ્સ
શિશુ વિશે રસપ્રદ તથ્યો
એડ્લ્ટસ કરતા વધુ હાડકાં : જન્મ સમયે, બાળકમાં આશરે 270-300 હાડકાં હોય છે, જ્યારે પુખ્ત વયના લોકોમાં આ સંખ્યા 206 હોય છે. જેમ જેમ બાળક મોટું થાય છે, તેમ તેમ ઘણા હાડકાં એકબીજા સાથે ભળી જાય છે.
જન્મ પછી તરત જ આંસુ દેખાતા નથી : નવજાત શિશુઓ રડે છે, પરંતુ શરૂઆતના થોડા અઠવાડિયા સુધી તેમની આંખોમાંથી વાસ્તવિક આંસુ નીકળતા નથી. તેમની આંસુ ગ્રંથીઓ સંપૂર્ણપણે વિકસિત થવામાં સમય લે છે.
જન્મતાની સાથે માતાનો અવાજ ઓળખે : બાળકો જન્મતાની સાથે માતાનો અવાજ ઓળખે શકે છે. તેઓ ગર્ભમાં હોય ત્યારે તેમની માતાનો અવાજ સાંભળે છે, તેથી તે તેમના માટે પરિચિત હોય છે.
નવજાત શિશુઓમાં કુદરતી ” ગ્રિપ રિફ્લેક્સ” : નવજાત શિશુઓમાં કુદરતી ” ગ્રિપ રિફ્લેક્સ” હોય છે, જેનાથી તેઓ આંગળીઓને ખૂબ જ મજબૂતાઈથી પકડી શકે છે. આ તેમના પ્રારંભિક વિકાસનો એક મહત્વપૂર્ણ ભાગ છે.
બાળકોની દ્રષ્ટિ : બાળકોની દ્રષ્ટિ જન્મ સમયે સંપૂર્ણપણે વિકસિત થતી નથી. તેઓ ફક્ત ઝાંખા આકાર અને ચહેરાઓ ઓળખે છે, ખાસ ધ્યાન તેમની નજીકના ચહેરાઓ પર આપે છે.
હૃદયના ધબકારા : નવજાત શિશુઓના હૃદયના ધબકારા પુખ્ત વયના લોકો કરતા વધુ ઝડપી હોય છે. તેમના હૃદયના ધબકારા પ્રતિ મિનિટ 120 થી 160 ધબકારા સુધી હોઈ શકે છે, જે સામાન્ય છે અને તેમના ઝડપથી વિકાસ પામતા શરીરને ટેકો આપે છે.
દરરોજ 1 કિલોમીટર ચાલવાથી આટલી કેલરી થશે બર્ન, એક્સપર્ટે આપી સલાહ
ઘૂંટણના હાડકાની ગેરહાજરી : બાળકો ઘૂંટણના હાડકા વગર જન્મે છે, હાડકાને બદલે, તેમના ઘૂંટણમાં નરમ કોમલાસ્થિ હોય છે, જે સમય જતાં હાડકામાં પરિવર્તિત થાય છે.
એકસાથે શ્વાસ લેવાનું અને ગળવાનું: નવજાત શિશુ એકસાથે શ્વાસ લઈ શકે છે અને ગળી શકે છે, જેનાથી ખોરાક લેવાનું સરળ બને છે.
વાળ ખરી શકે : વાળ ખરી શકે છે અને પછી ફરીથી ઉગી શકે છે. ઘણા બાળકો જન્મ સમયે તેમના વાળ ગુમાવે છે, અને નવા વાળ પાછા ઉગે છે, ઘણીવાર અલગ રંગ અથવા રચના પણ જોવા મળે છે.
