ધનુર્માસમાં દ્વારકા મંદિરે ક્યારે થશે આરતી? જાણો દર્શનનું નવું સમયપત્રક

માત્ર હાલાર, ગુજરાત જ નહીં પરંતુ દેશદુનિયાના અસંખ્ય લોકોના આસ્થાના સાગર સમાન દ્વારકાધીશ મંદિરમાં કાયમી ધોરણે ભક્તોની ભીડ રહેતી હોય છે. ત્યારે હાલ ધનુર્માસ નિમિત્તે આખા મહિનામાં ચાર અલગ અલગ દિવસોએ ધનુર્માસની પરંપરાનુસાર ઠાકોરજીનો નિત્યક્રમ યોજાય છે, જે ક્રમ મુખ્યત્વે ગુરુવાર તથા મંગળવારે કરવામાં આવે છે.

દ્વારકાધીશ મંદિરમાં ધનુર્માસ પર્વને લઈને દર્શન ક્રમમાં ફેરફાર થયો છે. આજે તા.16 ત્યારબાદ આગામી તા. 23, 25 ડિસેમ્બર અને 08 જાન્યુઆરીના રોજ મંગલા આરતી સવારે 5:30 વાગ્યે કરવામાં આવશે. જ્યારે સવારે 10:30 થી 5 વાગ્યા દરમિયાન મંદિર બંધ રહેશે. સાંજે 5 વાગ્યે ઉત્થાપન દર્શન અને સાંજનો ક્રમ નિત્યક્રમ મુજબ રહેશે જેની દર્શનાર્થીઓએ નોંધ લેવી.