ગુજરાતની રહસ્યમય ઘટના: પાંચ વર્ષે હત્યારો પકડાયો પણ મૃતક કોણ? આરોપી-પોલીસ બન્ને અજાણ

આ સમગ્ર કેસની વાત કરીએ તો ગત 16 જૂન 2021ના દિવસે કુતિયાણા પોલીસ સ્ટેશન વિસ્તારમાં આવતા ધ્રુવાળા ગામના પાટીયા જતા રસ્તે તળાવની સામે સીમ વિસ્તારમાથી એક અજાણ્યા પુરુષનો મૃતદેહ મળ્યો હતો. જેની ઉંમર આશરે 48 આસપાસ હતી. આ અજાણ્યા મૃતદેહ મળ્યા બાદ કુતિયાણા પોલીસ સ્ટેશનમાં પ્રથમ અકસ્માતે મોતની નોંધ કરવામાં આવે છે. પરંતુ મૃતદેહના પોસ્ટમોર્ટમ રિપોર્ટમાં મૃતકને કોઈ પદાર્થ વડે શરીરે માર મારવાથી તેમજ દાઢી અને ગાલ તેમજ શરીર ઉપરની ઈજાના કારણે મોત થયાનું સામે આવતા 14 જુલાઈ 2021ના રોજ અજાણ્યા લોકો વિરુદ્ધ કુતિયાણા પોલીસ સ્ટેશનમાં અનડીટેક્ટ હત્યાનો ગુનો દાખલ કરવામાં આવ્યો હતો.

પાંચ વર્ષથી અનડિટેક્ટ ગુનામાં પોરબંદર લોકલ ક્રાઈમ બ્રાન્ચની તપાસ દરમિયાન એવું જાણવા મળ્યું હતું કે, કુતિયાણાના મેવાસાનેશનો 34 વર્ષીય અરજણ ઉર્ફે બીડી પરબત કરમટા કે જેની વિરુદ્ધ કુલ 30 જેટલા ગુનાઓ નોંધાયેલા છે, તે અરજણ કરમટા તથા તેમની સાથે રહેલો સાહેદો ગત 15 જૂન 2021ના રોજ જૂનાગઢ તેમની જૂની કોઈ અદાવતને લઈને કોઈને મારવા માટે ગયા હતા. તે વ્યક્તિ ન મળતાં તેઓ જૂનાગઢથી 16મીએ પરત પોતાના ઘરે પાછા ફરી રહ્યા હતા. તે સમયે રાતના ત્રણેક વાગ્યે જૂનાગઢ જિલ્લાના દડવા ગામના પાટીયા પાસેથી જાહેર રોડ પર જૂનાગઢથી ચૌટા વાંક તરફ ચાલતાં જતાં અજાણ્યા વ્યક્તિને પોતાની ગાડીમાં બેસાડીને પોતાના ઘરે લઈ ગયા હતા.

આ અજાણ્યો શખ્સ ભાગવા જતા આરોપી અરજણે દારૂને નશામાં આ વ્યકિતને ઝાડ સાથે બાંધી લાકડાના ધોકા વડે માર મારતા તેનું મોત નિપજ્યું હતું. મૃતકના મૃતદેહને આરોપી પોતાના ઘરથી 4 કિલોમીટર દૂર પોતાની સફેદ કલરની સ્વિફ્ટ ગાડી જેના નંબર GJ-06-DQ-1611માં ધ્રુવાળા ગામના પાટીયા જતા રસ્તે તળાવની સામે સીમ

એક અજાણ્યા વ્યક્તિની હત્યા થઈ છે તે વ્યકિત કોણ છે, તેના પરિવારજનો કોણ છે, તેની કોઈ ઓળખ થઈ શકી નથી. તેમ છતાં પોલીસે હત્યાના ગુનાને ઉકેલવા મહેનત કરી અને ભેદ ઉકેલ્યો છે. પાંચ વર્ષ જૂના ગુનાને ઉકેલવામાં પોલીસની સરાહનીય કામગીરી રહી છે. જોકે, પોલીસે આરોપી સુધી પહોંચીને રાહતનો શ્વાસ લીધો નથી, પરંતુ મૃતકની ઓળખ હજુ પણ ચાલુ છે.