કોલ્હાપુરમાં અમિત શાહે કહ્યું – ભારત કોઇ ધર્મશાળા નથી, આ દેશમાં ફક્ત તે જ રહેશે જેઓ અહીં જન્મ્યા છે

Amit Shah In Maharashtra : મહારાષ્ટ્રના કોલ્હાપુરમાં કેન્દ્રીય ગૃહમંત્રી અમિત શાહે શનિવારે ફરી એકવાર ઘૂસણખોરીનો મુદ્દો ઉઠાવ્યો હતો. અમિત શાહે કહ્યું કે ભારત કોઇ ધર્મશાળા નથી. અહીં જેઓ જન્મ્યા છે તેઓ જ આ દેશમાં રહેશે. બાકીના લોકોને હિન્દુસ્તાનમાંથી વેણી-વેણીને હાંકી કાઢવામાં આવશે. આ દરમિયાન અમિત શાહે ઉદ્ધવ ઠાકરે, કોંગ્રેસ અને ટીએમસી ઉપર પણ પ્રહાર કર્યો હતો. તેમણે કહ્યું કે આ લોકો ઘૂસણખોરીને વધારવા માંગે છે, પરંતુ મોદી સરકાર તેમની યોજનાઓને સફળ થવા દેશે નહીં.

દેશમાંથી દરેક ઘૂસણખોરને હાંકી કાઢીશું – અમિત શાહ

અમિત શાહે કહ્યું કે કોલ્હાપુરની પવિત્ર ભૂમિ પરથી હું વિશ્વાસ સાથે દેશની જનતાને કહીને જાઉં છું કે બંગાળના લોકોએ અમને આશીર્વાદ આપ્યા છે. બંગાળની જનતાનું ઋણ નરેન્દ્ર મોદીજી અને ભારતીય જનતા પાર્ટી પર છે. શાહે કહ્યું કે હું ખાતરી આપું છું કે બંગાળની સરહદોમાંથી ઘૂસણખોરી અટકશે એટલું જ નહીં, અમે દેશમાંથી દરેક ઘૂસણખોરને વીણી-વીણીને હાંકી કાઢીશું. 

ઉદ્ધવ ઠાકરેની આગેવાની હેઠળના શિવસેના (યુબીટી)માં સંભવિત તૂટ તરફ ઇશારો કરતા અમિત શાહે કહ્યું કે પહેલા લોકોએ શિંદેની આગેવાની હેઠળના જૂથનો અલગથી ઉલ્લેખ કરવો પડતો હતો, પરંતુ હવે કોઈ જૂથ બચ્યું નથી અને એકનાથ શિંદેની આગેવાની હેઠળની માત્ર એક જ શિવસેના છે.

આ દેશ ધર્મશાળા નથી – અમિત શાહ

કેન્દ્રીય મંત્રી અમિત શાહે કહ્યું કે કોંગ્રેસ નેતા અને કોંગ્રેસના ખોળામાં બેઠેલા ઉદ્ધવજી ઘૂસણખોરોને વોટ બેંકમાં ફેરવીને પોતાનું અસ્તિત્વ જાળવી રાખવા માંગે છે. હું તેમને સ્પષ્ટપણે કહેવા માંગુ છું કે આ દેશ ધર્મશાળા નથી. આ દેશમાં જન્મેલા લોકો જ અહીં રહેશે. તેમણે કહ્યું કે દરેક ઘૂસણખોરને ઓળખીને દેશની બહાર ફેંકી દેવામાં આવશે.

NEET-UG રી-એક્ઝામ પહેલા NTA ની દેશભરમાં મોક ડ્રીલ, 551 શહેરોમાં બનાવવામાં આવ્યા સેન્ટર

અમિત શાહે કહ્યું કે હું કોલ્હાપુર સ્થિત અંબાબાઈના તીર્થસ્થળથી રાજ્યની જનતાને સંદેશ આપી રહ્યો છું કે આ 12 વર્ષમાં જ્યારથી પ્રધાનમંત્રી મોદી દેશના વડા પ્રધાન બન્યા છે, ત્યારથી દેશમાં અશક્ય માનવામાં આવતું કામ પૂર્ણ થઈ ગયું છે.

અમિત શાહે કહ્યું કે 2014માં ભાજપ સરકાર આવ્યા બાદ આજે અયોધ્યામાં ભગવાન રામનું ભવ્ય મંદિર બનાવવામાં આવ્યું છે. ઔરંગઝેબે જે કાશી વિશ્વનાથ કોરિડોરને તોડી પાડ્યો હતો તેનું આજે પુનઃનિર્માણ થઈ રહ્યું છે. કેદારધામ-બદ્રીધામનું પુનઃનિર્માણ કરવામાં આવી રહ્યું છે. સોમનાથમાં ફરીથી સોનાનું મંદિર બની રહ્યું છે.