આઈસીસી મહિલા T20 વર્લ્ડ કપનો 30મો મુકાબલો ભારત અને ઓસ્ટ્રેલિયા વચ્ચે ઐતિહાસિક લોર્ડ્સ ક્રિકેટ મેદાન પર રમાયો હતો. આ મેચમાં ભારતીય ટીમનો 6 વિકેટથી પરાજય થયો છે, જેનાથી ટુર્નામેન્ટમાં તેમની સફરનો અંત આવ્યો છે. ઓસ્ટ્રેલિયા અને દક્ષિણ આફ્રિકાએ હવે ગ્રુપ Aમાંથી સેમિફાઇનલમાં સફળતાપૂર્વક સ્થાન મેળવ્યું છે. આ સતત બીજી વખત છે જ્યારે ટીમ ઇન્ડિયા મહિલા T20 વર્લ્ડ કપના ગ્રુપ સ્ટેજમાંથી બહાર થઈ ગઈ છે.
ભારતીય કેપ્ટન હરમનપ્રીત કૌરે ટોસ જીતીને પ્રથમ બેટિંગ કરવાનો નિર્ણય લીધો હતો, જેના કારણે ટીમે 20 ઓવરમાં 4 વિકેટ ગુમાવીને કુલ 170 રન બનાવ્યા હતા. હરમનપ્રીત કૌરે કેપ્ટન તરીકે 27 બોલમાં 56 રન બનાવ્યા હતા. ઓસ્ટ્રેલિયાએ 19 ઓવરમાં 4 વિકેટ ગુમાવીને ટાર્ગેટ હાંસલ કરી લીધો હતો. ઓસ્ટ્રેલિયા તરફથી એશ્લે ગાર્ડનર અને એલિસ પેરીએ અડધી સદી ફટકારી, ટીમની જીતમાં મહત્વપૂર્ણ ભૂમિકા ભજવી હતી.
ટોસ જીતીને બેટિંગ કરવાનો નિર્ણય લીધા પછી ટીમ ઈન્ડિયાએ ઓપનર શેફાલી વર્મા અને સ્મૃતિ મંધાનાને કારણે શાનદાર શરૂઆત કરી. આ જોડીએ પ્રથમ વિકેટ માટે 66 રન ઉમેર્યા. મંધાના 37 બોલમાં 38 રન બનાવીને રન આઉટ થઈ ગઈ, જ્યારે શેફાલી વર્માએ 26 બોલમાં 34 રનની શાનદાર ઇનિંગ રમી. ત્યારબાદ હરમનપ્રીત કૌર અને જેમીમા રોડ્રિગ્સે ત્રીજી વિકેટ માટે 45 બોલમાં 64 રનની ભાગીદારી કરી, જેનાથી ટીમ સ્પર્ધાત્મક સ્કોર સુધી પહોંચી ગઈ. હરમનપ્રીતે 27 બોલમાં 56 રનની કેપ્ટન ઇનિંગ રમી.
આયર્લેન્ડે રચ્યો ઈતિહાસ, ભારતને હરાવી સિરીઝ પોતાના નામે કરી
રન ચેઝમાં ઓસ્ટ્રેલિયાને સારી શરૂઆત મળી ન હતી. જ્યોર્જિયા વેરહેમ પહેલી જ ઓવરમાં રેણુકા ઠાકુરના હાથે 4 રન બનાવીને આઉટ થઈ ગઈ. ત્યારબાદ ફોબી લિચફિલ્ડ અને બેથ મૂનીએ 50 રનની ભાગીદારી કરી. લિચફિલ્ડે ધીમી ઇનિંગ રમી, 25 બોલમાં 24 રન બનાવ્યા. જોકે તે આઉટ થયા પછી બેટિંગ કરવા આવેલી એલિસ પેરીએ 38 બોલમાં 56 રનની ઇનિંગ રમી હતી, જેનાથી ટીમનો વિજય લગભગ નિશ્ચિત થઈ ગયો. એશ્લે ગાર્ડનરે પણ ઉત્તમ ટેકો આપ્યો, 29 બોલમાં 53 રન બનાવીને અણનમ રહ્યા. ભારત માટે, શ્રી ચારાનીએ સૌથી વધુ બે વિકેટ લીધી.
