બોલીવુડ અભિનેતા બોબી દેઓલ હાલમાં તેની પત્ની તાન્યા દેઓલ સાથે સુખી લગ્નજીવન જીવી રહ્યો છે. તેની જોડીને ફિલ્મ ઈન્ડસ્ટ્રીમાં સૌથી મજબૂત જોડી માનવામાં આવે છે. જોકે એક સમય હતો જ્યારે બોબી દેઓલનું નામ ઘણીવાર અભિનેત્રી પૂજા ભટ્ટ સાથે જોડવામાં આવતું હતું.
તાજેતરના એક ઇન્ટરવ્યુમાં પૂજા ભટ્ટે બોબી દેઓલ સાથેના તેના સંબંધો વિશે સ્પષ્ટતાથી વાત કરી છે. વિકી લાલવાણી સાથેની વાતચીત દરમિયાન તેણીએ સ્વીકાર્યું કે બંને ખૂબ જ નજીક હતા અને રોમેન્ટિક બંધનમાં હતા.
બોબીને તેના જીવનનો ‘જાદુઈ ભાગ’ ગણાવતા પૂજાએ કહ્યું કે તેણીએ તેની સાથે વિતાવેલો સમય ખરેખર ખાસ હતો. પૂજાને પૂછવામાં આવ્યું કે તેણીએ તેના પિતા મહેશ ભટ્ટની ફિલ્મ ‘આશિકી’ માં મુખ્ય ભૂમિકા કેમ નકારી કાઢી. જેના જવાબમાં તેણીએ જણાવ્યું કે તેણીની પહેલી ફિલ્મ ‘ડેડી’ પછી તે સિનેમામાં કારકિર્દી બનાવવા માટે ખાસ ઉત્સુક નહોતી. વધુમાં તે સમયે તેનો બોયફ્રેન્ડ તેની અભિનય મહત્વાકાંક્ષાઓને બહુ ટેકો આપતો ન હતો.
જ્યારે પૂછવામાં આવ્યું કે શું તે બોયફ્રેન્ડ બોબી દેઓલ હતો ત્યારે પૂજાએ સ્પષ્ટતા કરી કે તે બોબીને ઘણા સમય પછી મળી હતી. જ્યારે પૂછવામાં આવ્યું કે શું તેઓ એકબીજાના પ્રેમમાં હતા ત્યારે તેણે સ્વીકાર્યું, “ચોક્કસ. કેમ પ્રેમ ના થાય?”
અમેરિકા બાદ હવે કેનેડામાં ગુજરાતી યુવતીની હત્યા, આણંદના બોરસદની 22 વર્ષીય વિદ્યાર્થિની 15 મેથી ગુમ હતી
તેમના બ્રેકઅપ વિશે બોલતા પૂજાએ જણાવ્યું કે સમય જતાં તેમના જીવનના રસ્તાઓ અલગ થયા. જોકે તેણીએ તેમના અલગ થવા પાછળના ચોક્કસ કારણો જણાવવાનો ઇનકાર કર્યો. પૂજાએ ટિપ્પણી કરી, “આજે અહીં બેઠી હોવાથી અમારા સંબંધો કેમ સમાપ્ત થયા તે સમજાવવું યોગ્ય રહેશે નહીં. તે હવે પરિણીત છે, તેના બાળકો પણ છે અને તેની કારકિર્દી પણ શાનદાર રીતે ચાલી રહી છે.”
