Kolkata Durga Puja pandal stampede : પશ્ચિમ બંગાળના ઉત્તર કોલકાતાના ચોરબાગાન સાર્વજનિક વિસ્તારમાં દુર્ગાપૂજા દરમિયાન એક દુર્ઘટના બની છે. શનિવારે ભારે ભીડને કારણે નાસભાગ જેવી સ્થિતિ સર્જાઈ હતી. આ કારણે ઓછામાં ઓછા 17 લોકોના મોત થયા છે. જ્યારે ઘણા ઘાયલ થયા હોવાનું કહેવાય છે. તેમને કોલકાતા મેડિકલ કોલેજના ઇમરજન્સી વિભાગમાં લઈ જવામાં આવ્યા છે. પ્રત્યક્ષદર્શીઓનું કહેવું છે કે ઘણા લોકો બેભાન થઈ ગયા હતા, કેટલાકને બાઇક પર લઈ જવામાં આવી રહ્યા હતા. મુખ્યમંત્રી શુવેન્દુ અધિકારી પણ હોસ્પિટલમાં પહોંચી ગયા છે.
આ દુર્ઘટના પર પીએમ મોદી, ગૃહમંત્રી અમિત શાહ, પશ્ચિમ બંગાળના સીએમ સુવેન્દુ અધિકારી અને પૂર્વ મુખ્યમંત્રી મમતા બેનર્જીએ દુ:ખ વ્યક્ત કર્યું છે.
સરકારે ટોલ ફ્રી નંબર જાહેર કર્યો
ચોરબાગાન પૂજા પંડાલમાં થયેલા અકસ્માત બાદ પશ્ચિમ બંગાળ સરકારે આ ઘટના સાથે જોડાયેલી માહિતી માટે ટોલ ફ્રી હેલ્પલાઇન શરૂ કરી છે. આ ટોલ ફ્રી નંબર 18003455678 છે. ઘટના સંબંધિત માહિતી માટે અસરગ્રસ્ત લોકો આ નંબર પર કોલ કરી શકે છે.
એક પ્રત્યક્ષદર્શીએ જણાવ્યું હતું કે ઘણા લોકો બેભાન થઈ ગયા હતા. કેટલાક લોકોને મોટરસાયકલ પર લઈ જવામાં આવી રહ્યા હતા. મેં મારી આસપાસ આવું બધું જોયું હતું જ્યારે લોકો બેભાન થઈ ગયા હતા, ત્યારે તેમને બાઇક પર લઈ જવામાં આવ્યા હતા. આ બધું થયું ત્યારે ત્યાં વિશાળ ભીડ પણ હતી.
Kolkata, West Bengal: Visuals from Calcutta Medical School following the stampede-like state of affairs on the Chorbagan Sarbojanin Durga Puja pandal https://t.co/UnVbC96CXV
— IANS (@ians_india) October 17, 2026
પોલીસે શું કહ્યું
આ ઘટના પર કોલકાતા પોલીસે કહ્યું કે આજે સાંજે લગભગ 7:40 વાગ્યે ગિરીશ પાર્ક પોલીસ સ્ટેશન હેઠળના શારદા પાર્ક (ચોર બાગાન) પૂજા પંડાલના એક્ઝિટ ગેટ પર ભાગદોડ મચી ગઈ હતી, કારણ કે વરસાદ વચ્ચે પંડાલ જોવા માટે લોકોની ભારે ભીડ થઈ હતી.
Kolkata, West Bengal: Kolkata Police says, “Right now at round 7:40 pm, a stampede occurred on the exit gate of Sarada Park (Chor Bagan) Puja Pandal, beneath Girish Park Police Station, because of heavy crowds of pandal hoppers amid rainfall. The Puja Pandal has now been closed to guests. All injured individuals had been rescued and shifted to MCH for remedy. As per the knowledge obtained thus far, roughly 35 individuals have been shifted to MCH.”
— ANI (@ANI) October 17, 2026
અભિજીત દિપકેને શરતી જામીન મળ્યા, શાંતિ જાળવવા બોન્ડ પર સહી કરાવી
પોલીસે વધુમાં જણાવ્યું હતું કે હવે આ પૂજા પંડાલ બંધ કરી દેવામાં આવ્યો છે. તમામ ઘાયલોને સુરક્ષિત રીતે બહાર કાઢીને સારવાર માટે એમસીએચ (મેડિકલ કોલેજ હોસ્પિટલ)માં મોકલવામાં આવ્યા છે. અત્યાર સુધી મળેલી માહિતી મુજબ લગભગ 35 લોકોને એમસીએચ મોકલવામાં આવ્યા છે.
