Uttarakhand Stunning Villages : હંમેશા લોકો તે સ્થળોએ જવાનું પસંદ કરે છે જે ખૂબ પ્રખ્યાત હોય છે. આમ તો આવા અનેક સુંદર સ્થળો છે જેના વિશે બહુ ઓછા લોકો જાણે છે, પરંતુ તેમનું પ્રાકૃતિક સૌંદર્ય કોઈ પ્રસિદ્ધ પર્યટન સ્થળથી ઓછું નથી. જો તમે ભીડથી દૂર આરામદાયક મુસાફરી કરવા માંગતા હો, તો તમે ઉત્તરાખંડના કેટલાક શાંત અને સુંદર ગામોમાં જઈ શકો છો. હરિયાળી, ઠંડી હવા, લીલીછમ ખીણો અને પહાડોના મનમોહક દૃશ્યો સફરને યાદગાર બનાવી શકે છે. આવો જાણીએ ઉત્તરાખંડના તે સુંદર ગામો વિશે જેને તમે તમારી આગામી યાત્રા માટે લિસ્ટમાં સામેલ કરી શકો છો.
માણા ગામ
તે ભારતના પ્રથમ ગામ તરીકે પણ ઓળખાય છે. ચાર ધામમાંથી એક બદ્રીનાથ ધામ અહીંથી લગભગ 3 કિમી દૂર આવેલું છે. તે પ્રકૃતિ પ્રેમીઓ અને ટ્રેકિંગ ઉત્સાહીઓમાં ખૂબ પ્રખ્યાત સ્થળ છે.
બાગોરી ગામ
શાંતિ અને સુંદરતાનો આનંદ માણવા માટે કોઈ પણ બાગોરી ગામની મુલાકાત લઈ શકે છે. આજે પણ અહીં પરંપરાગત લાકડાના બનેલા ઘરો જોવા મળે છે. આ ગામ કુદરતી સૌંદર્ય, સફરજનના બગીચા અને આરામદાયક ક્ષણો પસાર કરવા માટે એક ઉત્તમ સ્થળ સાબિત થઈ શકે છે.
નેલાંગ
ઉત્તરકાશી જિલ્લામાં આવેલું નેલાંગ એક ખૂબ જ સુંદર ગામ છે જે તેની ચટ્ટાની બનાવટ અને ઠંડા હવામાન માટે જાણીતું છે. આ ઇનર લાઇન વિસ્તાર છે જ્યાં જવા માટે તમારે વહીવટ અથવા વન વિભાગની પરવાનગી લેવી પડશે.
મુખવા ગામ
હર્ષિલ ખીણના સુંદર પર્વતોમાં વસેલું એક નાનું ગામ મુખવા ફરવા માટે એક ઉત્તમ સ્થળ છે. અહીં તમને નદીઓ, પર્વતો, હરિયાળી અને આકર્ષક દૃશ્યો જોવા મળશે. જો તમે ભીડથી દૂર શાંતિ અને સુકુનથી સમય પસાર કરવા માંગતા હો તો તમે અહીં આવી શકો છો. લાકડાના જૂના મકાનો, પાળતુ પ્રાણીઓનો અવાજ ને પર્વતોના ઠંડા પવનોથી ઘેરાયેલા આ ગામની સુંદરતાનું વર્ણન શબ્દોમાં કરવું મુશ્કેલ છે.
કનાતાલ
જો તમે બરફથી ઢંકાયેલા પહાડો અને હરી ભરી ઘાટીનો નજારો જોવા માંગતા હો તો તમે ઉત્તરાખંડના આ સુંદર ગામને એક્સપ્લોર કરી શકો છો. અહીંનું શાંત વાતાવરણ અને તેની આસપાસનું કુદરતી સૌંદર્ય મનને શાંત કરે છે. અહીં આવીને તમે શહેરોની ભાગદોડ ભરી જિંદગીને ભૂલી જશો.
વરસાદના માહોલમાં મધ્ય પ્રદેશના આ 5 સ્થળોનો પ્રવાસ કરો, ફ્રેશ થઇ જશો
સૌર ગામ
જો તમે ઓછી ભીડવાળા કુદરતી સ્થળો શોધી રહ્યા છો તો સૌર ગામ ફરવા જઇ શકો છો. આ સ્થળ પહાડી લાઇફસ્ટાઇલ અને હરિયાળીથી ઘેરાયેલા વાતાવરણમાં થોડી આરામદાયક ક્ષણો પસાર કરવા માટે આ સ્થળ શ્રેષ્ઠ સ્થળ સાબિત થઈ શકે છે. આ ગામમાં તમે મિત્રો અથવા પાર્ટનર સાથે ફરવાનો પ્લાન કરી શકો છો.
