અમદાવાદમાં એક કાર બોનેટમાં મોટરસાઇકલ ફસાઈને ઘણા અંતર સુધી દોડતી રહી. ત્યારબાદ ડ્રાઇવરે વાહન રોક્યું અને ખૂબ જ મુશ્કેલીથી કારમાંથી બાઇકને કાઢી હતી. ત્યારબાદ તે ઘટનાસ્થળેથી ભાગી ગયો હતો. પોલીસ હાલમાં આરોપી ડ્રાઇવરની શોધ કરી રહી છે. અહેવાલો અનુસાર રોડ અકસ્માત બાદ મોટરસાઇકલ કારના બોનેટમાં ફસાઈ ગઈ હતી. જોકે વાહન રોકવાને બદલે ડ્રાઇવરે સ્પીડ વધારી દીધી હતી. રસ્તા પર આગળ જતા તેણે બાઇકને કારથી અલગ કરી અને ભાગી ગયો હતો.
આ અકસ્માતમાં એક આધેડ વ્યક્તિને ગંભીર ઈજાઓ થઈ હતી અને હાલમાં તેની સારવાર ચાલી રહી છે. પોલીસ આરોપી ડ્રાઇવરની શોધખોળ કરી રહી છે. ઘટનાનો એક વીડિયો પણ સામે આવ્યો છે જેમાં અકસ્માત બાદ ડ્રાઇવર ઘટનાસ્થળેથી ભાગી રહ્યો છે અને મોટરસાઇકલને કારથી અલગ કરતો જોવા મળે છે.
એક બાઇક સવારને અડફેટે લે છે, બાઇક બોનેટમાં ઘૂસી જાય છે છતાં કાર ઊભી પણ નથી રાખતા આવા લોકો!
આજે સવારે અમદાવાદના એસ.જી. હાઇવે પર પકવાન બ્રિજથી સોલા બ્રિજ વચ્ચે પૂરપાટ ઝડપે આવતી કારે સોલા બ્રિજ ચડતી વખતે એક બાઇક સવાર આધેડને અડફેટે લીધા.
ટક્કર એટલી જોરદાર હતી કે આધેડ હવામાં… pic.twitter.com/8TczFOO9xe
— Sagar Patoliya (@kathiyawadiii) March 27, 2026
આરોપી ઘટનાસ્થળેથી ભાગી ગયો
આ ઘટના શુક્રવારે (27 માર્ચ) સવારે અમદાવાદના એસ.જી. હાઇવે પર બની હતી. પકવાન બ્રિજ અને સોલા બ્રિજ વચ્ચે એક ઝડપી ગતિએ આવતી કાર સોલા બ્રિજ પર ચઢી રહેલા એક આધેડ મોટરસાયકલ સવાર સાથે અથડાઈ હકી. ટક્કર એટલી ગંભીર હતી કે આધેડ વ્યક્તિ હવામાં ઉછળી પડ્યો અને તેની મોટરસાયકલ કારના બોનેટમાં ફસાઈ ગઈ. બાઇક બોનેટમાં ફસાઈ ગઈ હોવા છતાં ડ્રાઇવરે વાહન રોક્યું નહીં અને પૂરપાટ ઝડપે ચલાવવાનું ચાલુ રાખ્યું. બોડકદેવ નજીક પુલ પરથી નીચે ઉતર્યા પછી ડ્રાઇવરે કાર રોકી, મોટરસાયકલને બોનેટ પરથી કાઢી અને પછી ઘટનાસ્થળેથી ભાગી ગયો.
ગુજરાતમાં લોકોને ગરમીથી મળશે રાહત, સપ્તાહના અંતે હવામાન અચાનક બદલાશે, ઘણા જિલ્લાઓ માટે યલો એલર્ટ જારી
પોલીસ ડ્રાઇવરની શોધ કરી રહી છે
ગંભીર રીતે ઘાયલ આધેડ વ્યક્તિને તાત્કાલિક સારવાર માટે સોલા સિવિલ હોસ્પિટલમાં દાખલ કરવામાં આવ્યો હતો. આ ઘટના અંગે એસ.જી. હાઇવે ટ્રાફિક પોલીસ સ્ટેશનમાં ફરિયાદ નોંધાઈ છે અને ફરાર ડ્રાઇવરની શોધ ચાલુ છે.
