યુકે દ્વારા 2025 માં લાગુ કરાયેલા નવા ઇમિગ્રેશન નિયમોએ ભારતીય વ્યાવસાયિકો અને વિદ્યાર્થીઓ પર ઊંડો પ્રભાવ કર્યો છે. ખાસ કરીને આરોગ્યસંભાળ, નર્સિંગ અને આઇટી ક્ષેત્રોમાં કામ કરતા ભારતીયોને આ ફેરફારોનો સીધો અસરકારક ફટકો પડ્યો છે. 1 / 5
યુકે સરકારે કુશળતા, પગાર અને અંગ્રેજી ભાષાના માપદંડોને વધુ કડક બનાવ્યા છે. જેના કારણે વર્ક વિઝા મેળવવાની પ્રક્રિયા પહેલાં કરતાં વધુ મુશ્કેલ બની ગઈ છે. નવી નીતિ અમલમાં આવ્યા બાદ આરોગ્યસંભાળ ક્ષેત્રે વિઝા આપવામાં 67% નો ઘટાડો નોંધાયો છે, જ્યારે નર્સિંગ ક્ષેત્રે આ ઘટાડો 79% જેટલો ઊંચો રહ્યો છે. આઇટી પ્રોફેશનલ્સ માટે પણ વિઝાની સંખ્યા ઘટી છે, જેના કારણે ટેક ક્ષેત્રમાં યુકેમાં જવાની તકો મર્યાદિત થઈ રહી છે.
2 / 5
વિદેશ મંત્રાલયના તાજા આંકડા મુજબ હેલ્થ અને કેર વિઝા 67% ઘટીને 16,606 થયા છે. નર્સિંગ વિઝામાં 79% નો ઘટાડો થવાથી આ સંખ્યા 2,225 સુધી સીમિત થઈ ગઈ છે. આઇટી પ્રોફેશનલ્સને મળતા વિઝા લગભગ 20% જેટલા ઘટ્યા છે. આ આંકડાઓ દર્શાવે છે કે યુકે હવે કુશળ સ્થળાંતર પર વધુ નિયંત્રણ લાવવા માંગે છે, જેના કારણે ભારતીય નિષ્ણાતોને આંતરરાષ્ટ્રીય તકો ઓછી મળી રહી છે.
3 / 5
વર્ક વિઝાની સાથે વિદ્યાર્થીઓ માટેના નિયમોમાં પણ મહત્વના ફેરફારો કરવામાં આવ્યા છે. લોકપ્રિય ગ્રેજ્યુએટ રૂટ વિઝાનો સમયગાળો બે વર્ષથી ઘટાડીને 18 મહિના કરવામાં આવ્યો છે. ભાષા અને નાણાકીય માપદંડોમાં કડકાઈ લાવવામાં આવી છે. ઉપરાંત, અભ્યાસ દરમ્યાન આશ્રિતો લાવવા પર મૂકાયેલા નિયંત્રણો કારણે ઘણા ભારતીય વિદ્યાર્થીઓ માટે યુકેમાં અભ્યાસ બાદ નોકરી મેળવવાનું વધુ પડકારજનક બની ગયું છે.
4 / 5
જોકે નિયમો કડક થયા છે, છતાં પણ ભારત અને યુકે વચ્ચે 2021ના માઇગ્રેશન અને મોબિલિટી પાર્ટનરશિપ હેઠળ સતત સંવાદ ચાલી રહ્યો છે. બંને દેશો કુશળ સ્થળાંતર, વ્યવસાયિક તકો અને પરસ્પર ક્વોલિફિકેશન માન્યતા અંગે સહયોગ મજબૂત કરવા પ્રયત્નશીલ છે. ભલે હાલના વિઝા માર્ગો સાંકડા થયા હોય, પરંતુ આ ચાલતા સંવાદો ભવિષ્યમાં ભારતીયો માટે નવી તકો ઊભી કરી શકે છે.
5 / 5
ભાગેડુ ગેંગ.. વિજય માલ્યા અને લલિત મોદીનો વીડિયો વાયરલ, રાષ્ટ્રીય ભંડોળની ઉચાપત બાદ લંડનમાં મોજશોખ!
