વર્ષ 2019 માં લોકપ્રિય શો ‘કૌન બનેગા કરોડપતિ’ (KBC) માં ભાગ લેનાર એક મહિલા તહસીલદારની છેતરપિંડીના કેસમાં ધરપકડ કરવામાં આવી છે. અમિતા સિંહ તોમર જેમણે હોસ્ટ અમિતાભ બચ્ચન સામે ‘હોટ સીટ’ પર બેસીને ₹50 લાખ જીત્યા હતા. તેને મધ્ય પ્રદેશના ગ્વાલિયરમાં ₹2.5 કરોડના પૂર રાહત કૌભાંડમાં કથિત સંડોવણીના આરોપસર ધરપકડ કરવામાં આવી હતી.
અધિકારીઓ દ્વારા આપવામાં આવેલી માહિતી અનુસાર, એક અધિકારીએ જણાવ્યું હતું કે અમિતા સિંહ તોમરને 2021 માં બરોડા તહસીલમાં થયેલી કથિત અનિયમિતતાઓના સંબંધમાં ગુરુવારે ધરપકડ કરવામાં આવી હતી. કોર્ટમાં રજૂ કર્યા પછી તેણીને શિવપુરીની જેલમાં મોકલવામાં આવી હતી.
અધિકારીએ જણાવ્યું હતું કે, “બરોડા સબ-ડિવિઝનલ પોલીસ ઓફિસર (SDOP) અવનીત શર્માના નેતૃત્વ હેઠળની એક ટીમે ગ્વાલિયરના ચંદ્રવદની નાકા ખાતે સ્થિત તેમના નિવાસસ્થાનેથી તોમરની ધરપકડ કરી હતી. તોમર વિજયપુરના તહસીલદાર તરીકે ફરજ બજાવતા હતા પરંતુ કલેક્ટર અર્પિત વર્માએ બુધવારે તેમને ફરજોમાંથી મુક્ત કર્યા હતા.”
અમિતાભ બચ્ચનને સ્ક્રીન બેસ્ટ એક્ટરનો એવોર્ડ મળ્યો, જયારે રેખા જયા બચ્ચનને ભેટીને મળી, જુઓ વીડિયો
તેમણે વધુમાં જણાવ્યું હતું કે તોમરે અગાઉ હાઇકોર્ટ અને સુપ્રીમ કોર્ટ બંનેમાં આગોતરા જામીન માટે અરજી કરી હતી પરંતુ તેમની અપીલ ફગાવી દેવામાં આવી હતી. અત્યાર સુધીમાં આ કેસના સંદર્ભમાં 110 વ્યક્તિઓ સામે FIR નોંધવામાં આવી છે.
અધિકારીઓ દ્વારા શેર કરવામાં આવેલી વિગતો અનુસાર, 2021ના પૂર રાહત કૌભાંડના સંદર્ભમાં અત્યાર સુધીમાં 22 પટવારી (મહેસૂલ અધિકારીઓ) અને એક તહસીલદારની ધરપકડ કરવામાં આવી છે. આ કૌભાંડની આસપાસના આરોપોમાં દાવો કરવામાં આવ્યો છે કે ₹2.5 કરોડની ઉચાપતના ઇરાદાથી છેતરપિંડીવાળા બેંક ખાતાઓમાં ટ્રાન્સફર કરવામાં આવ્યા હતા.
