પંજાબ કિંગ્સના કેપ્ટન શ્રેયસ અય્યરે આ ફ્રેન્ચાઈઝી માટે પોતાની પહેલી જ મેચમાં શાનદાર બેટિંગથી બધાના દિલ જીતી લીધા હતા. પંજાબ કિંગ્સની માલિક પ્રીતિ ઝિન્ટાએ શ્રેયસ અય્યર પર 26.75 કરોડ રૂપિયાનું રોકાણ કર્યું હતું અને આ ખેલાડીએ પહેલી જ મેચમાં રિટર્ન ગિફ્ટ આપવાનું શરૂ કરી દીધું હતું. પંજાબ કિંગ્સ માટે ડેબ્યૂ કરતા શ્રેયસ અય્યરે ગુજરાત ટાઈટન્સ સામે શાનદાર અડધી સદી ફટકારી હતી. તેણે માત્ર 27 બોલમાં પોતાની અડધી સદી પૂરી કરી હતી. જો કે દુઃખની વાત છે કે શ્રેયસ અય્યર પોતાની સદી પૂર્ણ કરી શક્યો નહીં. તે 97 રન બનાવીને અણનમ રહ્યો હતો.
