મનોરંજન ન્યૂઝ | બોલીવુડની લોકપ્રિય ફ્રેન્ચાઇઝી ધમાલ ફિલ્મ આખરે રિલીઝ થઇ ગઈ છે. મલ્ટી-સ્ટારર, જોરદાર કોમેડી માટે આ ફ્રેન્ચાઇઝની ઓળખ રહી છે. આ ફ્રેન્ચાઇઝી 2007 માં શરૂ થઈ હતી. ધમાલ, ડબલ ધમાલ અને ટોટલ ધમાલના સાત વર્ષ બાદ ધમાલ 4 આજે શુક્રવારે 10 જુલાઈના રોજ આવી થિયેટરમાં આવી ગઈ છે, જાણો કેવી છે ફિલ્મ?
ધમાલ 4 શું અન્ય ફ્રેન્ચાઇઝ કરતા સૌથી નબળો પાર્ટ સાબિત થયો છે કે થિયેટરમાં ધૂમ મચાવી છે? આ વખતે આ ખજાનાની શોધની સ્ટોરીમાં અને કોમેડીમાં શું જોવાની વધુ મજા આવશે?
ધમાલ 4 સ્ટોરી
મનોરંજન ન્યુઝ | ધમાલ ખજાનાની શોધ વિશે છે. ધમાલના પહેલા પાર્ટમાં “W” અક્ષરથી શરૂ થયેલી ખજાનાની સ્ટોરી, ધમાલ 4 માં “M” અક્ષર સુધી પહોંચે છે. ફિલ્મ શૈતાન સિંહના ખજાના વિશેની એનિમેટેડ સ્ટોરીથી શરૂ થાય છે. સ્ટોરી ટૂંક સમયમાં એક એવા વળાંક પર પહોંચે છે જ્યાં એક મૃત્યુ પામેલો માણસ જનકપુર જેટીની નજીક એક ટાપુ પર છુપાયેલા ખજાનાનું સ્થાન જાહેર કરે છે.
બાદમાં દરેક ધમાલ સીઝનની જેમ, પાત્રો છુપાયેલા ખજાનાને શોધવા માટે સ્પર્ધા કરે છે. જૂના, વિચિત્ર પાત્રોની સાથે, આ વખતે નવા પાત્રો પણ જોડાયા છે. આ પાત્રો ખજાના સુધી કેવી રીતે પહોંચે છે અને પછી તેમના જીવનના નિકટવર્તી ભયનો સામનો કેવી રીતે કરે છે? તેમના જીવન બચી જાય છે, પરંતુ આ વખતે ખજાનાનું શું થાય છે?
ધમાલ 4 રીવ્યુ
“ધમાલ” એટલે એક એવી ફિલ્મ જેમાં તમારે તમારા મગજને ઘરે જ રાખવાની જરૂર પડે છે. આ વખતે પરિસ્થિતિ એવી જ છે, પરંતુ “ધમાલ” નો અર્થ એક જોરદાર સાહસિક કોમેડી પણ છે, જેમાં ઘણા પ્રતિષ્ઠિત ડાયલોગ અને સીન છે. પાછલી ફિલ્મોની જેમ, આ ફિલ્મમાં પણ એક ખજાનો છે.
સાપ, ઓક્ટોપસ, મગર, સિંહ અને એક ભૂત પણ છે, પરંતુ આ વખતે, સ્ટોરી સાથે કોમેડી ગાયબ થઈ ગઈ છે. લગભગ અઢી કલાકની આ ફિલ્મમાં, માંડ ચાર કે પાંચ હાસ્ય છે. સ્ટોરીમાં કોઈ ટ્વિસ્ટ નથી, કે કોઈ સાહસ નથી જે રોમાંચમાં વધારો કરે. ફિલ્મના અંતે પાત્રોની લાગણીઓ, અથવા હૃદય પરિવર્તન પણ ફરજિયાત લાગે છે.
Satluj Controversy: ZEE5 પરથી ‘સતલુજ’ કેમ હટાવી દેવામાં આવી? જાણો શું છે CBFC, OTT નિયમો અને કલમ 69A?
કોમેડીના નામે, સ્થૂળતા અને શારીરિક ખામીઓની ભારે મજાક ઉડાવવામાં આવી છે. કેટલાક જોક્સ પણ ઉમેરવામાં આવ્યા છે જેનો ફિલ્મ સાથે કોઈ સંબંધ નથી. નિર્માતાઓએ હાસ્ય કરવા માટે “ધમાલ” ની યાદોનો ઉપયોગ કર્યો છે. દર પંદર મિનિટે, એક પાત્ર પૂછતું હોય તેવું લાગે છે, “તમે ધમાલ નથી જોયું?
અભિનયની વાત કરીએ તો અજય દેવગણ ઠીક એકટિંગ કરે હતો. તેની પાસે કરવા માટે કંઈ ખાસ નહોતું. ધમાલ સિરીઝમાં કોમેડી નામો અરશદ વારસી અને જાવેદ જાફરી, તમને હસાવવા માટે પૂરતા છે, પરંતુ નબળી સ્ક્રીપટ તેમને આ વખતે વધુ સ્પેસ આપતું નથી. સંજય મિશ્રા, રિતેશ દેશમુખ અને અંજલી આનંદ ઠીક છે. રવિ કિશનને કામ ન મળ્યું, અને એશા ગુપ્તાને સ્ક્રીન પર ખૂબ ઓછી જગ્યા મળી છે. બાકીના પાત્રો ઠીક છે.
