Delhi CJP Protest Information : કોકરોચ જનતા પાર્ટીએ રવિવારે સવારે 10 વાગ્યે જંતર મંતર પર વધુ એક વિરોધ પ્રદર્શનની જાહેરાત કરી છે. નવી દિલ્હી શનિવારે થયેલા વિરોધ પ્રદર્શન અને સામૂહિક ધરપકડને પગલે દિલ્હી પોલીસે સમગ્ર રાજધાનીમાં સુરક્ષા વધારી દીધી છે. લગભગ 30,000 પોલીસ કર્મચારીઓ, અર્ધલશ્કરી દળોની 200 કંપનીઓ તૈનાત કરવામાં આવશે. આ ઉપરાંત સંસદ માર્ગ અને જંતર મંતર પર બેરિકેડ સાથે કડક સુરક્ષા વ્યવસ્થા યથાવત રહેશે.
ધરપકડ કરાયેલા વિદ્યાર્થીઓ, કાર્યકરો અને કોકરોચ જનતા પાર્ટીના નેતાઓની મુક્તિ અંગે અનિશ્ચિતતા વચ્ચે ફરી જંતર મંતર કૂચનું આહ્વાન કરવામાં આવ્યું છે.
CJPનું વિરોધ પ્રદર્શનનું આહ્વાન
CJPનું દિલ્હીમાં સતત બીજા દિવસે વિરોધ પ્રદર્શન ચાલુ રહેવાનું છે. કોકરોચ જનતા પાર્ટીના રાષ્ટ્રીય સંગઠન પ્રભારી અજિંક્ય શિંદે સોશિયલ મીડિયા X પર એક પોસ્ટ કરી છે, આ પોસ્ટમાં ‘ચલો જંતર મંતર’ વિરોધ પ્રદર્શનની ઘોષણા કરી છે અને સમર્થકોને રવિવારે 10 વાગે એક્ઠા કરવા આહ્વાન કર્યું છે.
અજિંક્ય શિંદે કહ્યું છે, અમે જંતર મંતર પર જ્ઞાનેશ કુમારના રાજીનામાંની માંગ લઇને ગયા હતા, જેમણે 12 કરોડ મતદાતાનો મત અધિકારી છિનવી લીધો છે, પરંતુ મોદી અને શાહના નેતૃત્વવાળી આ તાનાશાહી સરકારે અમારા તમામ નેતા અભિજીત દીપકે, આશુતોષ રાંકા અને સૌરવ દાસની સાથે સાથે વિદ્યાર્થી નેતાઓ અને સ્વંયસેવકોની પણ અટકાયત કરી છે.
તેઓ ઉમેરે છે, “તેઓ વિચારે છે કે જો તેઓ આજે અમને કસ્ટડીમાં લેશે, તો અમે ડરીને પીછેહઠ કરીશું, મોદી અને શાહનો ડર બતાવે છે કે આપણે અડધી લડાઈ જીતી ચૂક્યા છીએ. આ એક નવા સંઘર્ષની શરૂઆત છે. હું મોદી અને શાહને કહેવા માંગુ છું કે અમે તેમના ઘમંડને તે જ રીતે તોડીશું, જે રીતે અમે પહેલા તોડ્યો હતો. જ્ઞાનેશ કુમારના રાજીનામાની પુષ્ટિ ન થાય ત્યાં સુધી અમે વિરોધ પ્રદર્શન ચાલુ રાખીશું. ”
રવિવારે સવારે 10 વાગ્યે અમે ફરીથી જંતર-મંતર તરફ કૂચ કરીશું. હું દરેકને મોટી સંખ્યામાં આવવા માટે અપીલ કરું છું. દિલ્હી પોલીસ જ્યાં પણ તમને રોકે છે, તે જગ્યાને તમારો જંતરમંતર બનાવો. ”
11 October | Sunday | 10am Chalo Jantar Mantar! @Cockroachisback https://t.co/U7Gk8i6fYV
— Ajinkya Shinde (@AjinkyaCJP) October 10, 2026
બેરિકેડ્સ પહેલાની જેમ જ રહેશે
દિલ્હી પોલીસે જણાવ્યું હતું કે રવિવારે પણ શનિવારની જેમ જ તૈનાતી કરવામાં આવશે. એક અધિકારીએ જણાવ્યું હતું કે પરિસ્થિતિ અનુસાર મેટ્રો અને ટ્રેન સેવાઓ સંબંધિત પગલાં લઈ શકાય છે.
પોલીસ સૂત્રોએ જણાવ્યું હતું કે દક્ષિણ, મધ્ય અને નવી દિલ્હી જિલ્લામાં આઈએનએ, રાજઘાટ અને લાલ કિલ્લા સહિત અનેક સંવેદનશીલ સ્થળો પર પોલીસ દળો નજર રાખશે. શનિવારે આઈએનએ અને કનોટ પ્લેસ સહિત અનેક સ્થળોએ વિરોધ પ્રદર્શન બાદ આ નિર્ણય લેવામાં આવ્યો હતો.
રવિવારે વધુ વિરોધ પ્રદર્શનની અપેક્ષા રાખતા પોલીસને આશંકા છે કે પ્રદર્શનકારીઓ ફરી એકવાર જંતર મંતર, કનોટ પ્લેસ અને મધ્ય દિલ્હીના અન્ય ભાગો તરફ આગળ વધી શકે છે.
એક અધિકારીએ જણાવ્યું હતું કે સોમવારે જરૂરી તૈનાતી અંગે નિર્ણય લેતા પહેલા પોલીસ રવિવાર સાંજ સુધીમાં પરિસ્થિતિની સમીક્ષા કરશે.
