Sunny Deol : સની દેઓલ બટવારા ફિલ્મને લઇ ચર્ચામાં છે. તો બીજી બાજુ મહારાષ્ટ્ર ફાર્મ એન્ડ ફાર્મ એડમિનિસ્ટ્રેશન (એફડીએ) એ પાન મસાલાની જાહેરાત મામલે બોલિવૂડ અભિનેતા અજય દેવગણ, શાહરૂખ ખાન અને ટાઇગર શ્રોફને નોટિસ ફટકારી હતી. આ દરમિયાન, સની દેઓલનું નિવેદન સામે આવ્યું છે જેમાં તેણે કહ્યું હતું કે આવી જાહેરાતો કરવા માટે તેને પોતાના અંતરાત્મામાં મંજૂરી આપતો નથી.
બંટવારા 1947 ફિલ્મના અભિનેતા અને રાજકારણી સની દેઓલે કહ્યું છે કે, તેઓ ક્યારેય પાન મસાલા અથવા ગુટખા જેવી પ્રોડક્ટનું સમર્થન નહીં કરે. અનપ્લગ્ડ શુભંકર ખાતે વાતચીત દરમિયાન તેમણે કહ્યું કે, તેને આવી જાહેરાતો માટે ઓફર મળે છે, પરંતુ તેનો અંતરાત્મા તેને સ્વીકારવા દેતો નથી.
આ વિશે વાત કરતા સની દેઓલે કહ્યું હતું કે, ‘હું પાન મસાલાની જાહેરાત નથી કરતો, અને ક્યારેય નહીં કરું. હું ગુટખા જેવી કોઈ વસ્તુનો પ્રચાર નહીં કરું. ઓફર આવે છે, પણ હું કરીશ નહીં. હું એવી કોઈ વસ્તુને પ્રોત્સાહન આપવા માંગતો નથી જેમાં હું માનતો નથી. મને નથી લાગતું કે આ બધી બાબતો સાચી છે. મને નથી લાગતું કે આવી વસ્તુઓને પ્રોત્સાહન આપવું સારી બાબત છે. ”
સની દેઓલે કહ્યું કે, તે જે યોગ્ય લાગે છે તે કરે છે. મન અને અંતરાત્મા કોઈ વસ્તુની સાક્ષી ન આપે તો તેઓ તે કરતા નથી. પરંતુ તેમને જે કામ યોગ્ય લાગે છે, જે કરવાની જરૂર છે, તે ચોક્કસપણે કરે છે.
જ્યારે સની દેઓલને પૂછવામાં આવ્યું કે શું તમને આવી જાહેરાતોમાંથી મળતા પૈસા તેમને આકર્ષિત નથી કરતા તો તેમણે કબૂલ્યું હતું કે પૈસા ચોક્કસ આકર્ષે છે. જો કે, આખરે તેમની અંતરાત્મા તેમને પીછેહઠ કરવા મજબૂર કરે છે.
તેમણે ઉમેર્યું કે, “પૈસા આકર્ષે છે, હા. પરંતુ જો હું પૈસા માટે કંઈક કરવાનો પ્રયત્ન કરું તો પણ મારું હૃદય તેની ના પાડશે. મારા મનમાં સવાલ ઉભો થાય છે કે હું આવું શા માટે કરી રહ્યો છું? હું આ શેના માટે કરી રહ્યો છું? શું હું ફક્ત પૈસા માટે આવું કરવા માંગુ છું? જ્યારે મારી અંદરથી આવા પ્રશ્નો ઉઠે છે, ત્યારે હું પાછળ હટી જાઉં છું. ”
આ પણ વાંચો: Partition 1947: જે નાટક પર ફિલ્મ પર આધારિત છે તેના પર પાકિસ્તાનમાં પ્રતિબંધ કેમ છે, જાણો અસલી કારણ
શાહરૂખ ખાન, અજય દેવગણ અને ટાઇગર શ્રોફને શો કોઝ નોટીસ
બોલિવૂડ અભિનેતા શાહરૂખ ખાન, અજય દેવગણ અને ટાઇગર શ્રોફ અને મિલ ઇલાઇચી તેમની જાહેરાતોને લઈને વિવાદમાં છે. મહારાષ્ટ્ર ફૂડ એન્ડ ડ્રગ એડમિનિસ્ટ્રેશન (એફડીએ) એ આ કલાકારોને કારણદર્શક નોટિસ ફટકારી છે, જેમાં જાહેરાતોમાં તેમની ભૂમિકા અંગે સ્પષ્ટતા માંગવામાં આવી છે. સંપૂર્ણ સમાચાર વાંચો
