Jharkhand protest updates: ઝારખંડમાં વિવિધ સ્પર્ધાત્મક પરીક્ષાઓમાં કથિત ગેરરીતિઓને લઇને વિદ્યાર્થીઓ નારાજ છે. રાંચીમાં હજારો વિદ્યાર્થીઓ રસ્તા પર ઉતરી આવ્યા હતા અને ખેતરોના રસ્તેથી નવી વિધાનસભા પરિસરમાં પહોંચ્યા હતા અને વિરોધ પ્રદર્શન કરી રહ્યા છે. પોલીસે તેમને રોકવા માટે લાઠીચાર્જ કર્યો હતો. ટીયર ગેસના શેલ પણ છોડવામાં આવ્યા હતા. અગાઉ ચોથો બેરિકેડ તોડ્યા બાદ તેમને રોકવા માટે વોટન કેનનનો ઉપયોગ કરવામાં આવ્યો હતો, પરંતુ પોલીસ તેમને રોકવામાં નિષ્ફળ ગઈ હતી.
પાણીનો ફુવારો પડતા જ વિરોધ કરી રહેલા વિદ્યાર્થીઓ નાચવા લાગ્યા હતા. કેટલાક વિદ્યાર્થીઓ ખેતરોમાંથી વિધાનસભાની દિવાલ સુધી પહોંચ્યા હતા. પછી તેઓ છેલ્લો બેરિકેડ તોડીને વિધાનસભા તરફ દોડી ગયા હતા.
વિદ્યાર્થીઓ હાલમાં વિધાનસભાની બહાર ઉભા છે. વિધાનસભાની કાર્યવાહી પૂર્ણ થઈ ગઈ છે. પોલીસ વિદ્યાર્થીઓને તેમની કૂચ સમાપ્ત કરીને ઘરે પાછા ફરવાની અપીલ કરી રહી છે.
‘કેન્દ્ર સરકાર અમને હળવાશથી લઈ રહી છે’, બાંકીપુરની હાર બાદ યુપીમાં પણ ભારે પડશે સવર્ણ મતદારોની નારાજગી?
વિદ્યાર્થી કૂચ વચ્ચે, CID એ સોમવારે JPSCના ભૂતપૂર્વ અધ્યક્ષ એલ ખ્યાંગ્યાતેની ધરપકડ કરી હતી. TDPL સાથેની મિલીભગતને કારણે તેમના પર 14મી PT પરીક્ષામાં વ્યાપક ગેરરીતિઓનો આરોપ છે. અગાઉ CID એ નાયબ પરીક્ષા નિયંત્રક સહિત 19 લોકોની ધરપકડ કરી હતી.
ભૂખ હડતાળ પર બેઠેલા દેવેન્દ્રનાથ મહતોનું વજન 10.5 કિલો ઘટ્યું
વિદ્યાર્થી નેતા દેવેન્દ્રનાથ મહતો ભૂતપૂર્વ મુખ્યમંત્રી શિબુ સોરેનનો ફોટો પકડીને જોવા મળ્યા હતા. ભૂખ હડતાળ પર બેઠેલા દેવેન્દ્રનાથ મહતોનું વજન 10.5 કિલોગ્રામ ઘટી ગયું છે. તેમણે શાંતિપૂર્ણ વિરોધ પ્રદર્શન માટે અપીલ કરી હતી. પ્રદર્શનકારીઓએ JSSC-CGL પરીક્ષા રદ કરે અથવા CBI તપાસની માંગણી કરતા પોસ્ટરો પકડ્યા હતા. વિદ્યાર્થીઓએ કહ્યું કે ભલે તેઓ વિધાનસભા સુધી પહોંચી શકતા ન હોય, તેમનો અવાજ તેમના સુધી પહોંચવો જોઈએ
