1985માં રિલીઝ થયેલી સુપરહિટ ફિલ્મ ‘રામ તેરી ગંગા મૈલી’ દ્વારા ઘર-ઘરમાં લોકપ્રિય બનેલી અભિનેત્રી મંદાકિની ફરી એકવાર ચર્ચામાં છે. ભલે તે લાંબા સમયથી ફિલ્મી દુનિયાથી દૂર હોય, પરંતુ સોશિયલ મીડિયા પર તે સતત સક્રિય રહે છે. હાલમાં જ તેણે પોતાના પરંપરાગત હિમાચલી લુકમાં કેટલીક તસવીરો શેર કરી છે, જે સોશિયલ મીડિયા પર ઝડપથી વાયરલ થઈ રહી છે. 1 / 5
મંદાકિનીએ પોતાના સત્તાવાર ઇન્સ્ટાગ્રામ એકાઉન્ટ પર શેર કરેલી તસવીરોમાં પરંપરાગત હિમાચલી પહેરવેશ ધારણ કર્યો છે. રંગબેરંગી હિમાચલી શાલ, પરંપરાગત ટોપી અને આકર્ષક ઘરેણાં સાથે તેનો સરળ અને સૌમ્ય અંદાજ ચાહકોને ખૂબ પસંદ આવી રહ્યો છે. ખુલ્લા વાળ અને ચહેરા પરનું હળવું સ્મિત તેની સુંદરતામાં વધુ વધારો કરે છે.
2 / 5
આ તસવીરો હિમાચલ પ્રદેશના મનાલીમાં લેવામાં આવી હોવાનું જાણવા મળે છે. કેટલાક ફોટોમાં મનાલીની હરિયાળી ખીણો અને મનમોહક કુદરતી નજારા પણ જોવા મળે છે, જે તસવીરોને વધુ આકર્ષક બનાવે છે.
3 / 5
મંદાકિનીના આ નવા લુક પર ચાહકો દિલ ખોલીને પ્રેમ વરસાવી રહ્યા છે. સોશિયલ મીડિયા પર અનેક યુઝર્સે કોમેન્ટ કરીને લખ્યું છે કે 41 વર્ષ પછી પણ મંદાકિનીની સાદગી અને સુંદરતા યથાવત છે. કેટલાક ચાહકોએ તો તેમને “સદાબહાર સુંદરતા” તરીકે પણ બિરદાવ્યા છે. ઉલ્લેખનીય છે કે, ‘રામ તેરી ગંગા મૈલી’ મંદાકિનીના કરિયરની સૌથી યાદગાર ફિલ્મોમાંથી એક રહી છે. આ ફિલ્મે તેમને રાતોરાત સ્ટાર બનાવી દીધી હતી અને આજે પણ આ ફિલ્મ માટે તેઓ યાદ કરવામાં આવે છે.
4 / 5
ફિલ્મી કરિયરની વાત કરીએ તો મંદાકિની છેલ્લે વર્ષ 1996માં રિલીઝ થયેલી ફિલ્મ ‘જોરદાર’ માં જોવા મળી હતી. ત્યારબાદ તેમણે ફિલ્મી દુનિયાથી અંતર જાળવી લીધું હતું. જોકે, આજે પણ તેમની લોકપ્રિયતા યથાવત છે અને સોશિયલ મીડિયા પર શેર થતી તેમની દરેક પોસ્ટ ચાહકોનું ખાસ ધ્યાન ખેંચે છે.
5 / 5
IPL 2027 પહેલા લગ્ન કરશે SRHની કાવ્યા મારન ?
