સોમવારે પેશાવરમાં તાલિબાની ઉગ્રવાદીઓએ છ પાકિસ્તાની સૈનિકોને મારી નાખ્યા અને ચાર અન્યને ઘાયલ કર્યા. અહેવાલો દર્શાવે છે કે તાલિબાનિ ઉગ્રવાદીઓએ પેશાવરથી આશરે 30 કિમી દક્ષિણપશ્ચિમમાં સ્થિત હસન ખેલ વિસ્તારમાં એક ચોકી પર કબજો કરવાનો પ્રયાસ કરી રહ્યા હતા.
પીટીઆઈ અનુસાર, અધિકારીઓએ મંગળવારે જણાવ્યું હતું કે પાકિસ્તાન આર્મીના ફ્રન્ટિયર કોન્સ્ટેબ્યુલરીના સૈનિકો અને તાલિબાન ઉગ્રવાદીઓ વચ્ચે ભીષણ ગોળીબાર થયો હતો. આ અથડામણમાં છ પાકિસ્તાની સૈનિકો માર્યા ગયા અને ચાર અન્ય ઘાયલ થયાના અહેવાલ છે.
સુરક્ષા દળોએ ઉગ્રવાદીઓના પ્રયાસને નિષ્ફળ બનાવ્યો
અધિકારીઓએ વધુમાં જણાવ્યું હતું કે પાકિસ્તાની સુરક્ષા દળોએ ફ્રન્ટિયર કોન્સ્ટેબ્યુલરી ચોકી પર કબજો કરવાના ઉગ્રવાદીઓના પ્રયાસને નિષ્ફળ બનાવ્યો અને આઠ આતંકવાદીઓને મારી નાખ્યા. ઉગ્રવાદીઓએ ચોકી પર કબજો કરવાના ઇરાદાથી હુમલો કર્યો હતો. જોકે પાકિસ્તાની સૈનિકોએ તરત જ જવાબી કાર્યવાહી કરી જેના કારણે ભીષણ ગોળીબાર થયો.
તેમણે અહેવાલ આપ્યો કે છ ફ્રન્ટિયર કોન્સ્ટેબ્યુલરી સૈનિકો માર્યા ગયા અને ચાર ઘાયલ થયા. ઘટના બાદ વધારાની સુરક્ષા દળની ટુકડીઓ ઘટનાસ્થળે પહોંચી અને સુરક્ષા પરિઘ સ્થાપિત કર્યો. બાકી રહેલા કોઈપણ આતંકવાદીઓને ખતમ કરવા માટે હાલમાં શોધ કામગીરી ચાલી રહી છે.
અમદાવાદના બોપલમાં પોલીસના ડરથી ભાગતા કુખ્યાત આરોપીનું ચોથા માળેથી પટકાતા મોત
મટ્ટાનીમાં બે સૈનિકોનું અપહરણ
અલગ રીતે પેશાવરની બહારના મટ્ટાનીમાં ફ્રન્ટિયર રિજન જીના કોર નજીક કિશન ગંગા ચેકપોઇન્ટ પર આતંકવાદી હુમલા દરમિયાન બે સુરક્ષા દળના કર્મચારીઓનું અપહરણ કરવામાં આવ્યું હતું. આતંકવાદીઓએ ભારે હથિયારોનો ઉપયોગ કર્યો હતો, જેમાં ચાર વાહનોનો નાશ કરવામાં આવ્યો હતો અને ચેકપોઇન્ટ બિલ્ડિંગ પર ભારે બોમ્બમારો કરવામાં આવ્યો હતો.
તહેરિક-એ-તાલિબાન પાકિસ્તાનના પ્રવક્તા એહસાનુલ્લાહ એહસાને આ હુમલાની જવાબદારી સ્વીકારી હતી.
24 મેના રોજ પણ મોટો હુમલો થયો હતો
અગાઉ 24 મેના રોજ પાકિસ્તાનના બલુચિસ્તાન પ્રાંતની રાજધાની ક્વેટ્ટાના લશ્કરી વિસ્તારમાં આતંકવાદીઓએ શટલ ટ્રેન પર બોમ્બથી હુમલો કર્યો હતો. તે વિસ્ફોટમાં ચૌદ લોકોએ જીવ ગુમાવ્યા હતા. BLA એ આ હુમલાની જવાબદારી સ્વીકારી હતી.
