Google Gemini New Function: આર્ટિફિશિયલ ઇન્ટેલિજન્સ (AI) ની દુનિયામાં અત્યારે ગળાકાપ સ્પર્ધા ચાલી રહી છે. યૂઝર્સ એક AI આસિસ્ટન્ટમાંથી બીજામાં શિફ્ટ થતા અચકાય છે કારણ કે તેમને લાગે છે કે તેમનો જૂનો ડેટા અને પર્સનલ પસંદગીઓ (Preferences) જતી રહેશે. આ સમસ્યાનો ઉકેલ લાવવા માટે ગૂગલ હવે ‘Import Reminiscence’ ફીચર પર કામ કરી રહ્યું છે, જેના દ્વારા તમે ChatGPT ની મેમરી સીધી Gemini માં લાવી શકશો.
શું છે આ નવું ‘Reminiscence Import’ ફીચર?
તાજેતરના અહેવાલો મુજબ, ગૂગલ એપના લેટેસ્ટ વર્ઝનમાં એવા સંકેતો મળ્યા છે કે Gemini હવે યૂઝર્સને અન્ય AI પ્લેટફોર્મ્સ (જેમ કે ChatGPT) માંથી તેમનો ડેટા લાવવાની મંજૂરી આપશે. ગૂગલના આ નવા ફીચર વિશે જાણીએ તો આ બે રીતે કામ કરશે.
- મેમરી ઇમ્પોર્ટ: તમારી પસંદગીઓ અને રુચિઓ ટ્રાન્સફર કરવી.
- ચેટ ઇમ્પોર્ટ: તમારી જૂની વાતચીતોનો આખી હિસ્ટ્રી લાવો.
ગૂગલના આ નવા મેમરી ઇમ્પોર્ટ ફીચરથી યુઝર્સને એ ફાયદો થશે કે તેઓ ડેટા અને પસંદગીઓ ગુમાવ્યા વિના જેમિની સાથે જોડાઇ શકશે.
મેમરી કેવી રીતે ઇમ્પોર્ટ કરવી? જાણો સંપૂર્ણ પ્રોસેસ
ગૂગલે આ પ્રક્રિયાને યુઝર ફ્રેન્ડલી બનાવી છે. જો તમારે ChatGPT ની મેમરી Gemini માં લાવવી હોય તો નીચે મુજબના સ્ટેપ્સ હોઈ શકે છે.
પ્રોમ્પ્ટ કોપી કરો: Gemini તમને એક ખાસ ‘પ્રોમ્પ્ટ’ (સૂચના) આપશે. તમારે તેને કોપી કરવાનો રહેશે.
ChatGPT માં પેસ્ટ કરો: આ કોપી કરેલો પ્રોમ્પ્ટ ChatGPT ના ઇનપુટ બોક્સમાં પેસ્ટ કરો.
ડેટા જનરેટ થશે: ChatGPT તમારી તમામ પર્સનલ વિગતો અને પસંદગીઓનો એક સારાંશ (Abstract) તૈયાર કરી આપશે.
Gemini માં પરત લાવો: ChatGPT એ આપેલા જવાબને કોપી કરીને Gemini ના “Paste the response right here” બોક્સમાં પેસ્ટ કરો.
મેમરી એડ કરો: ‘Add Reminiscence’ બટન દબાવતા જ Gemini કન્ફર્મ કરશે કે તેણે તમારી પસંદગીઓ શીખી લીધી છે અને સેવ કરી લીધી છે.
જૂની ચેટ્સ (Chat Historical past) કેવી રીતે ઇમ્પોર્ટ થશે?
ગૂગલ માત્ર મેમરી જ નહીં, પણ આખેઆખી ચેટ હિસ્ટ્રી ટ્રાન્સફર કરવા પર પણ કામ કરી રહ્યું છે. આ માટે યૂઝર્સે અન્ય ચેટબોટ્સમાંથી તેમની ચેટ્સ ડાઉનલોડ કરવી પડશે અને તેને Zip ફાઈલ સ્વરૂપે Gemini માં અપલોડ કરવાની રહેશે. આનાથી યૂઝરને જૂના સંદર્ભો (Context) ફરીથી લખવાની જરૂર નહીં પડે.
આ ફીચરની જરૂર કેમ પડી?
બદલાતી ટેકનોલોજી સાથે AI ફીચર પણ ઝડપથી બદલાઇ રહ્યા છે. થોડા સમય પહેલા Anthropic ના ‘Claude’ એ પણ ChatGPT માંથી મેમરી ઇમ્પોર્ટ કરવાની સુવિધા આપી હતી. ગૂગલ નથી ઈચ્છતું કે તે આ રેસમાં પાછળ રહી જાય. આ ફીચર આવવાથી યૂઝર્સ માટે એક AI થી બીજા AI પર સ્વિચ કરવું સાવ સરળ બની જશે.
ક્યારે ઉપલબ્ધ થશે?
હાલમાં આ ફીચર ડેવલપમેન્ટ સ્ટેજમાં છે. ગૂગલ સામાન્ય રીતે આવા ફીચર્સનું ટેસ્ટિંગ કર્યા પછી થોડા અઠવાડિયા કે મહિનાઓમાં તેને રોલ-આઉટ કરે છે. જોકે, એન્ડ્રોઇડ એપમાં તેના પુરાવા મળ્યા હોવાથી, તે ટૂંક સમયમાં જ જોવા મળી શકે છે.
શિક્ષણમાં AI ક્રાંતિ: બાળકોનું હોમવર્ક અને શીખવાની પદ્ધતિ બદલાઇ રહી છે…
ગૂગલનું આ પગલું દર્શાવે છે કે ભવિષ્યમાં AI આસિસ્ટન્ટ્સ વધુ ઓપન અને Versatile બનશે. યૂઝર્સ હવે કોઈ એક પ્લેટફોર્મ સાથે બંધાયેલા નહીં રહે અને પોતાની પસંદગી મુજબ શ્રેષ્ઠ AI સર્વિસ પસંદ કરી શકશે.
