સરકારી મહારત્ન કંપનીએ કરી ડિવિડન્ડની જાહેરાત, 14 એપ્રિલ સુધી ખાતામાં આવી જશે રૂપિયા

કંપનીએ જણાવ્યું કે, આ ડિવિડન્ડ 10 રૂપિયાની ફેસ વેલ્યૂવાળા પ્રત્યેક ઈક્વિટી શેર પર આપવામાં આવશે. 16 માર્ચ 2026ના રોજ આયોજિત બોર્ડ બેઠકમાં આ નિર્ણય લેવામાં આવ્યો છે.

કંપનીએ આ અંતરિમ ડિવિડન્ડ માટે 20 માર્ચ 2026ને રેકોર્ડ ડેટ નક્કી કરી છે. આ તારીખ સુધી જે રોકાણકારોના નામ કંપનીની રજિસ્ટર અથવા ડિપોઝીટરી રેકોર્ડમાં હશે, તેઓ ડિવિડન્ડ માટે હકદાર ગણાશે. કંપનીએ કહ્યું કે, અંતરિમ ડિવિડન્ડની ચૂકવણી 14 એપ્રિલ 2026 સુધી કરી દેવામાં આવશે.

કંપનીના અનુસાર, ઈનકમ ટેક્સ નિયમ હેઠળ ડિવિડન્ડની આવક પર ટેક્સ ચૂકવવો પડશે અને ચૂકવણીના સમયે TDS (ટેક્સ ડિડક્ટેડ એટ સોર્સ) કાપવામાં આવશે. જે રોકાણકારોને ઓછો ટેક્સ અથવા ટેક્સ છૂટ જોઈએ, તેમણે નિર્ધારિત દસ્તાવેજ જમા કરવા પડશે.

REC એ એ પણ સ્પષ્ટતા કરી છે કે, તાજેતરના નિયમો અનુસાર, ડિવિડન્ડ ચુકવણી ફક્ત ઇલેક્ટ્રોનિક રીતે કરવામાં આવશે. તેથી, રોકાણકારોને સલાહ આપવામાં આવે છે કે તેઓ તેમના ડીમેટ ખાતા અથવા કંપનીના રેકોર્ડમાં તેમની બેંક વિગતો અપડેટ કરે.

(Disclaimer: અહીં આપવામાં આવેલી શેરબજારને લગતી જાણકારી ફક્ત સામાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)