Final Up to date:
Aeroplane Basmati Rice IPO: જાણીતી બાસમતી ચોખા બ્રાન્ડ ‘Aeroplane’ની પેરેન્ટ કંપની ‘અમીર ચંદ જગદીશ કુમાર એક્સપોર્ટ્સ’ પોતાનો IPO લાવવા માટે તૈયાર છે. આ IPO 24 માર્ચે ખુલશે અને 27 માર્ચે બંધ થશે.
Aeroplane Basmati Rice IPO: જાણીતી બાસમતી ચોખા બ્રાન્ડ ‘Aeroplane’ની પેરેન્ટ કંપની ‘અમીર ચંદ જગદીશ કુમાર એક્સપોર્ટ્સ’ પોતાનો IPO લાવવા માટે તૈયાર છે. કંપની પોતાના IPO દ્વારા બજારમાંથી ₹440 કરોડ એકત્ર કરવાની યોજના ધરાવે છે. આ આખો IPO 440 કરોડનો ફ્રેશ ઇશ્યૂ છે, એટલે કે કંપની નવા શેર જારી કરી રહી છે અને તેમાં કોઈ ઓફર ફોર સેલ (OFS) સામેલ નથી.
– IPO ખુલવાની તારીખ: 24 માર્ચ
– IPO બંધ થવાની તારીખ: 27 માર્ચ
– એન્કર બુક માટે: 23 માર્ચ
– એલોટમેન્ટ ફાઈનલ થવાની તારીખ: 30 માર્ચ
– શેર બજારમાં લિસ્ટિંગ: 2 એપ્રિલ
આ 440 કરોડનો IPO સંપૂર્ણપણે ફ્રેશ ઇશ્યૂ છે. પહેલાં કંપનીએ 550 કરોડ એકત્ર કરવાનું વિચાર્યું હતું, જેને હવે ઘટાડીને 440 કરોડ કરવામાં આવ્યા છે. કંપની આ રકમમાંથી ₹400 કરોડ વર્કિંગ કેપિટલની જરૂરિયાત પૂરી કરવા માટે ઉપયોગ કરશે અને બાકીની રકમ સામાન્ય કોર્પોરેટ હેતુઓ માટે ખર્ચ કરશે.
કંપનીએ પ્રી-IPO રાઉન્ડમાં ₹172 પ્રતિ શેરના ભાવે ₹13 કરોડ પહેલેથી જ એકત્ર કરી લીધા છે, જેનાથી તેનું વેલ્યુએશન ₹1,877 કરોડ આંકવામાં આવી છે. આ IPO માટે Emkay World અને Keynote Monetary Providers મર્ચન્ટ બેન્કર તરીકે કામ કરી રહ્યા છે.
હરિયાણા ખાતે આવેલી આ કંપની મુખ્યત્વે ‘Aeroplane’ બ્રાન્ડ હેઠળ બાસમતી ચોખાનું પ્રોસેસિંગ અને એક્સપોર્ટ કરે છે. કંપનીની કુલ આવકનો 99% ભાગ ચોખામાંથી જ આવે છે. જોકે, કંપનીએ FMCG સેક્ટરમાં પગ મૂકતા ઘઉંનો લોટ, મેંદો, સૂજી, બેસન, મીઠું અને ખાંડ જેવી રસોડાની પ્રોડક્ટ્સ પણ વેચવાનું શરૂ કરી દીધું છે. કંપનીની પાસે ભારતમાં 70 અને યુરોપ, એશિયા અને આફ્રિકાના 26 દેશોમાં 30 ટ્રેડમાર્ક રજિસ્ટર્ડ છે.
આ કંપનીનો ફાઈનાન્શિયલ ગ્રોથ ઘણો મજબૂત જોવા મળી રહ્યો છે. માર્ચ 2025ના રોજ પૂર્ણ થયેલા નાણાકીય વર્ષમાં કંપનીનો નફો ડબલ થઈને 60.8 કરોડ રૂપિયા પર પહોંચી ગયો હતો, જે આગલા વર્ષે 30.4 કરોડ રૂપિયા હતો. આ સમયગાળામાં આવકમાં 29.2percentનો વધારો જોવા મળ્યો અને તે 2001.06 કરોડ થઈ ગયો હતો.
(Disclaimer: અહીં આપવામાં આવેલી શેરબજારને લગતી જાણકારી ફક્ત સામાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)
Mar 15, 2026 10:48 AM IST
