જંગલમાં જોવા મળતું એક વિચિત્ર ફળ: પાણીમાં નાખો તો ફીણ થાય, કપડાં પણ ધોઈ શકાય

જો આપની આજુબાજુમાં ઘોંટ ફળ છે તો તમે પણ તેનો લાભ ઉઠાવી શકશો. ગામના કાલીચરણ સોની આ અંગે જણાવે છે કે પહેલા જ્યારે સાબુ-ડિટર્જન્ટ પાઉડર નહોતા, ત્યારે અમે અહીં જંગલી ફળની મદદથી કપડાં અને ચામડા સાફ કરતા હતા. આ ફળ અમારી આજુબાજુમાં મળતા હતા. જો કે આજે પણ આ જંગલી ફળ મળી જાય છે. આ ફળની ખાસ વાત એ છે કે તેને ખાલી જાનવર જ નથી ખાતા, પણ કપડાંથી લઈ ચામડા પણ સાફ કરવામાં આવે છે.

કાલીચરણ જણાવે છે કે આજે મોંઘા મોંઘા સાબુ-ડિટર્જન્ટ ભલે આવ્યા, પણ આજે પણ અમે જંગલી ફળથી ઘરના કપડાં સાફ કરીએ છીએ, ખાલી જ કપડાં જ નહીં, અમારે ત્યાં તો જૂતા પણ આ ફળથી ચમકાવવામાં આવે છે. હકીકતમાં ચામડાના જૂતા બનાવવા માટે સૌથી પહેલા ચામડાને સાફ કરવામાં આવતા હતા. ચામડા સાફ કરવા માટે આજુબાજુ આવા ફળ મળી જાય છે, જેનાથી ચામડાને આસાનીથી સાફ કરી શકાય છે.

ગામના અન્ય એક શખ્સ ગોરે પાલ આ અંગે જણાવે છે કે અમારા ગામમાં જ્યારે મૃત જાનવરોના ચામડા ઉતારવામાં આવતા હતા, તો તેમાં મીઠું લગાવીને તડકામાં સૂકવવા મૂકી દેતા હતા. તડકામાં સૂકાયા બાદ મીઠું તેની ગંદકી સાફ કરતું હતું. પછી આ ચામડાને ઘોંટ ફળના પાણીમાં તેને નાખવામાં આવતું, જેથી આ પાણીમાં ચામડું એકદમ સાફ થઈ જતું હતું.

વધુમાં તેમણે જણાવ્યું છે કે ઘોંટ ફળ એક જંગલી ઝાડમાં થાય છે. જેને જાનવર નથી ખાતા. આ ફળની ખાસિયત એ છે કે તેને પાણીમાં નાખવાથી ફીણ થાય છે. તેને ટાંકી અથવા હૉઝના પાણીમાં નાખવામાં આવે છે અને પછી 1-2 દિવસમાં તે સડી જાય છે. ત્યાર બાદ તેમાં કપડાં નાખવામાં આવે છે. તેમાં એટલા ફીણ થાય છે કે કપડાં ધોતા જ ચમકવા લાગે છે.

કાલીચરણ જણાવે છે કે અમારે ત્યાં આવા તમામ જંગલી ઝાડ છે. જેના ફળથી ગંદામાં ગંદા કપડાં સાફ કરવામાં આવતા હતા. તમે વિચારો જ્યારે ચામડું સાફ થઈ જાય તો પછી કપડાં તો સામાન્ય વસ્તુ છે. ઘોંટ ફળથી લઈને રીઠા અને ઈંગુઆ જેવા ફળ આજે પણ જંગલમાં મળી જાય છે. આજે પણ લોકો તેના ગંદા કપડાં સાફ કરે છે.