જો તમે પણ બજારમાંથી આદુ-લસણની પેસ્ટ ખરીદતા હોવ તો આ સમાચાર તમારા માટે છે. હાલમાં જ હૈદરાબાદમાં પોલીસે એક ફેક્ટરી પર દરોડા પાડીને આશરે 4000 કિલો ભેળસેળયુક્ત આદુ-લસણની પેસ્ટ ઝડપી પાડી છે. જણાવવામાં આવી રહ્યું છે કે, આ પેસ્ટ ગંદી જગ્યાએ તૈયાર કરવામાં આવી રહી હતી. તપાસમાં સામે આવ્યું કે, કેટલાક લોકો ખાવાની વસ્તુઓમાં ખતરનાક કેમિકલ ભેળવીને બજારમાં વેચી રહ્યાં છે. એવામાં જરૂરી છે કે, આપણે જે પેસ્ટ ખરીદી રહ્યાં છીએ, તે અસલી છે કે નકલી તેની તપાસ પોતે જ કરતા શીખીએ. તો આવો જાણીએ કે, બજારમાં મળતી આદુ-લસણની પેસ્ટ અસલી છે કે, નકલી તે કેવી રીતે ચેક કરવું.
