“ભારતની ક્રિકેટ પ્રતિભા ચમકી રહી છે”, U-19 વર્લ્ડ કપમાં જીતથી ગદગદ થયા PM મોદી, ભારતીય ટીમ પર થયો શુભેચ્છાનો વરસાદ

તેઓએ કહ્યું, “આખી ટૂર્નામેન્ટમાં અપરાજિત રહેતા ટીમે પોતાના શાનદાર પ્રદર્શનથી દેશનું નામ રોશન કર્યું છે. હું પ્રતિભાશાળી યુવા ખેલાડીઓના ઉજ્જવળ ભવિષ્યની કામના કરું છું. મને પૂરો વિશ્વાસ છે કે, ભારતીય ક્રિકેટ વધુ મજબૂત થશે.”

પીએમ મોદીએ એક્સ પર લખ્યું, “ભારતની ક્રિકેટ પ્રતિભા ચમકી રહી છે.” તેમણે કહ્યું કે, “વર્લ્ડ કપ ઘરે લાવનાર અંડર 19 ટીમ પર ગર્વ છે. ટીમે આખી ટુર્નામેન્ટમાં શાનદાર પ્રદર્શન કર્યું અને અસાધારણ કૌશલ્યનું પ્રદર્શન કર્યું.” તેઓએ કહ્યું કે, “આ જીત ઘણા યુવા ખેલાડીઓને પણ પ્રેરિત કરશે. ખેલાડીઓને તેના આગામી પ્રયત્નો માટે શુભેચ્છાઓ.”

ખેલ મંત્રી મનસુખ માંડવિયાએ પણ ભારતના યુવા ખેલાડીઓના વખાણ કરતા એક્સ પર લખ્યું, “આપણી યુવા શક્તિ ટીમનું શાનદાર પ્રદર્શન. વિશ્વ ચેમ્પિયન બનનાર છોકરાઓને શુભેચ્છાઓ. તેઓએ સૂર્યવંશીનો ઉલ્લેખ કરતા કહ્યું, ફાઈનલમાં શાનદાર ઇનિંગ માટે બિહારના સ્વર્ણિમ છોકરા વૈભવ સૂર્યવંશીને વિશેષ શુભેચ્છાઓ.”