પ્રેમ આને કહેવાય! પાલતુ કૂતરા માટે બુક કરાવી ફ્લાઈટ, પછી તેની પાછળ 15 લાખ રૂપિયા ખર્ચ્યા, કહાની જાણીને લાગશે નવાઈ!

કપલેએ જણાવ્યું કે, જ્યારે તેઓ ઓસ્ટ્રેલિયા શિફ્ટ થવાનું વિચારી રહ્યા હતા, ત્યારે ઘણા લોકોએ તેમને સ્કાઈને ભારતમાં જ કોઈને આપી દેવા અને શેલ્ટરમાં મૂકી દેવાની સલાહ આપી હતી. પરંતુ કપલ માટે સ્કાઈ માત્ર એક શ્વાન નહીં પણ પરિવારનો સભ્ય હતો. તેમણે નિર્ણય કર્યો કે, ભલે ગમે તેટલો ખર્ચ થાય, તેઓ સ્કાઈને પોતાની સાથે જ રાખશે. આ પ્રક્રિયામાં તેમને લગભગ 1 વર્ષ જેટલો સમય અને લાખો રૂપિયા લાગ્યા, પણ અંતે સ્કાઈ હવે ઓસ્ટ્રેલિયામાં તેમની સાથે સુરક્ષિત છે.

જ્યારે છ મહિના પછી સ્કાઈ ઓસ્ટ્રેલિયા પહોંચ્યો, ત્યારે તમામ થાક અને ડર ગાયબ થઈ ગયો હતો. કપલે ભાવુક થઈને કહ્યું કે, ‘પૈસા ફરીથી કમાઈ શકાય છે, પરંતુ પ્રેમનો કોઈ વિકલ્પ નથી. સ્કાઈ માત્ર પાલતુ નથી, તે અમારું બાળક છે.’ આ સફરનો વીડિયો કપલે ઇન્સ્ટાગ્રામ પર શેર કર્યો છે, જેમાં સ્કાઈની એરપોર્ટ પરની મસ્તીથી લઈને ઓસ્ટ્રેલિયાના નવા ઘરમાં પ્રવેશ સુધીના દ્રશ્યો છે. ઇન્સ્ટાગ્રામ પર આ કહાની સામે આવતા જ લોકો ભાવુક થઈ ગયા હતા. લોકો આ વીડિયો પર કોમેન્ટ કરી રહ્યા છે કે, ‘પૈસા તો ઘણા લોકો પાસે હોય છે, પણ આવું દિલ બહુ ઓછા લોકો પાસે હોય છે.’ કોઈએ લખ્યું કે, પાલતુ પ્રાણીઓ પણ પરિવાર જ હોય છે, જો આટલો પ્રેમ હોય તો માણસ પહેલેથી જ સારો પેરેન્ટ બની જાય છે.