બારામતીમાં પ્લેન ક્રેશ થયું તેનો પહેલો વીડિયો સામે આવી ગયો, આ પ્લેનમાં અજીત પવાર સહિત 5 લોકો હતા સવાર

મહારાષ્ટ્રના બારામતીમાં મુંબઈથી આવેલું પ્લેન ક્રેશ થવાની જે ઘટના બની તેનો પહેલો વીડિયો સામે આવ્યો છે. અજીત પવાર અને બે કેપ્ટન સહિત કુલ 5 લોકો આ પ્લેનમાં સવાર હતા, આ પ્લેન ક્રેશ થવાના કારણો સહિતની બાબતોની તપાસ શરુ થઈ ગઈ છે પરંતુ આ પહેલા તેનો એક વીડિયો સામે આવ્યો છે જેમાં સ્થિતિ કેટલી ગંભીર બની હશે તેનો ચિતાર મળી રહ્યો છે. આ વિમાન આકાશમાંથી નીચે આવ્યો અને જેવું જમીન પર પડ્યું કે મોટો ભડકો થયો હતો, ફ્યુઅલ ટેંકના કારણે મોટો ભડકો થયો હતો અને તે પછી ધૂમાડાના ગોટા દૂર-દૂર સુધી દેખાયા હતા. અજીત પવારને લીને જતું આ પ્લેન મુંબઈથી બારામતી જઈ રહ્યું હતું પરંતુ તે બારામતી પહોંચે તે પહેલા જ તે ક્રેશ થઈ ગયું હતું. આ ઘટનાના CCTV સામે આવ્યા છે જેમાં ઘટના એટલી સ્પષ્ટ નથી દેખાતી પરંતુ તે કંપારી છોડાવી દેનારી છે. અજીત પવારનું પ્લેન અચાનક નીચે આવ્યું અને જમીન સાથે પટકાતા તેમાં ભડકો થયો હતો.