કડાણા તાલુકામાં જૂના ઝીંઝવા રોડ પર એક ભયાનક અકસ્માત સર્જાયો છે, જેમાં એક કાર રોડ પરથી પસાર થતી વખતે કૂવામાં ખાબકી હતી. આ ઘટનામાં કારમાં સવાર એક યુવકનું મોત નીપજ્યું છે. મહત્વનું છે કે કાર ચાલક રોડ પરથી પસાર થઈ રહ્યો હતો ત્યારે અચાનક નિયંત્રણ ગુમાવી બેસતા કાર સીધી જ એક અવાવરું કૂવામાં ખાબકી હતી. આ ઘટના અંગેની જાણ થતાં જ સ્થાનિક લોકો તથા પોલીસ કાફલો ઘટના સ્થળે પહોંચ્યો હતો અને કાર અને યુવકને બહાર કાઢવામાં આવ્યા હતા. યુવકનું ગંભીર ઈજાઓને કારણે સારવાર દરમિયાન જ મૃત્યુ નિપજ્યું છે. હવે સમગ્ર મામલે પોલીસે વધુ તપાસ આદરી હતી.
Source link
