Final Up to date:
ઈશાન કિશનની તોફાની બેટિંગની મદદથી ટીમ ઈન્ડિયાએ ટી20 વિશ્વ કપમાં પોતાનો સૌથી મોટો પાવર પ્લે સ્કોર પણ બનાવ્યો.
નવી દિલ્હી: ટીમ ઈન્ડિયાના વિકેટકીપર બેટ્સમેન ઈશાન કિશને નામીબિયા વિરુદ્ધ પોતાની તોફાની બેટિંગથી ધૂમ મચાવી દીધી. દિલ્હીના અરુણ જેટલી ક્રિકેટ સ્ટેડિયમમાં નામીબિયા વિરુદ્ધ મેચમાં ઇનિંગ્સની શરૂઆત કરતા 24 બોલમાં 61 રનની દમદાર ઇનિંગ્સ રમી હતી. પોતાના આ દાવમાં તેણે 6 ચોગ્ગા અને 5 છગ્ગા ફટકાર્યા હતા. આ દરમિયાન ઈશાન કિશને ખાલી 20 બોલમાં ફિફ્ટી પૂરી કરી લીધી હતી.
ઈશાન કિશનની આ ફિફ્ટી ટી20 વિશ્વ કપ 2026ની બીજી ફાસ્ટેસ્ટ ફિફ્ટી પણ છે. આ મામલામાં શ્રીલંકાના દાસુન શનાકા પહેલા નંબર પર છે. શનાકાએ ઓમાન વિરુદ્ધ મેચમાં ખાલી 19 બોલમાં ફિફ્ટી ફટકારી હતી. વળી વેસ્ટઇન્ડીઝે શિમરન હેટમાયરે સ્કોટલેન્ડ વિરુદ્ધ 22 બોલમાં ફિફ્ટી ફટકારી હતી, જ્યારે ટિમ સિફર્ટ અને રાયન રિકેલ્ટને 23-23 બોલમાં પોતાની ફિફ્ટી પૂરી કરી છે.
ઈશાન કિશનની તોફાની બેટિંગની મદદથી ટીમ ઈન્ડિયાએ ટી20 વિશ્વ કપમાં પોતાનો સૌથી મોટો પાવર પ્લે સ્કોર પણ બનાવ્યો. પહેલી 6 ઓવરમાં ટીમ ઈન્ડિયાએ એક વિકેટના નુકસાન પર 86 રન બનાવ્યા હતા. આ અગાઉ ટી20 વિશ્વ કપમાં ટીમ ઈન્ડિયાનો બેસ્ટ પાવરપ્લે સ્કોર 2 વિકેટ પર 82 રન હતો, જે આ 2021માં સ્કોટલેન્ડ વિરુદ્ધ દુબઈમાં બનાવ્યો હતો. વળી ભારતનો ટી20 ઇન્ટરનેશનલમાં ટીમ ઈન્ડિયાનો સૌથી મોટો પાવર પ્લે સ્કોર 1 વિકેટના નુકસાન પર 95 રનનો છે. ભારતીય ટીમે આ રેકોર્ડ ગયા વર્ષે ઇંગ્લેન્ડ વિરુદ્ધ મુંબઈમાં બનાવ્યો હતો.
વળી આ મેચની વાત કરીએ તો નામીબિયાની ટીમે ટોસ જીતી પહેલા બોલિંગ કરવાનો નિર્ણય લીધો હતો. નામીબિયા અને ભારત બંને ટૂર્નામેન્ટમાં પોતપોતાની બીજી મેચ રમી રહ્યા છે. ભારતીય ટીમે પોતાની પહેલી મેચમાં અમેરિકાને હરાવ્યું હતું. આવા સમયે નામીબિયા વિરુદ્ધ મેચમાં ભારતીય ટીમની કોશિશ રહેશે કે સતત બીજી જીત નોંધી 4 પોઈન્ટ સુધી પહોંચે.
