હિંમતનગરના જાણીતા જ્વેલર્સના કર્મીઓએ સગીરાને લવજેહાદમાં ફસાવવાનો કર્યો પ્રયાસ, માંગી ખંડણી

શહેરના જાણીતા જ્વેલર્સના કર્મચારીઓએ સગીરાને ફસાવવા પ્રયાસ કર્યો છે. સગીરાને જાળમાં ફસાવવાનો પ્રયાસ કરીને ધનિક પરિવાર પાસે પાંચ લાખ રૂપિયાની માંગણી કરી છે. ફોટા એડિટ કરીને અને વાયરલ કરી સગીરાને બદનામ કરવાની ધમકીઓ આપી પૈસા માંગ્યા હોવાનું પણ જાણવા મળી રહ્યું છે.

આ ધમકીઓ બાદ હિંમતનગર એ ડિવિઝન પોલીસને પરિવારે જાણ કરી હતી. જેથી આરોપીઓને પકડવા માટે છટકું ગોઠવ્યું હતું. છટકું ગોઠવી એ ડિવિઝન પોલીસે આરટીઓ બાયપાસ રોડ પરથી ટોળકી ઝડપી પાડી છે. લવજેહાદમાં ફસાવવાનો પ્રયાસ કરી ખંડણી માંગતા બે યુવકોને ઝડપી લેવામાં આવ્યા છે. આ યુવકો વિરુદ્ધ ગુનો નોંધી પોલીસે જેલના હવાલે કર્યા છે.

હિંમતનગરના ડીવાયએસપી, અતુલ પટેલના જણાવ્યા પ્રમાણે, હિંમતનગર એ ડિવીઝન પોલીસ સ્ટેશનમાં સગીરાના પિતાએ ફરિયાદ નોંધાવી છે. તેમની સગીર દીકરીની પીછો થતો હતો. પિતા જાણીતા જ્વેલર્સ ખાતે ખરીદી કરવા ગયા હતા. ત્યારે એમની વિગતોનું ફીડબેક ફોર્મ ભરાવ્યું હતુ. જેમાં તેમનો ફોન નંબર પણ હતો. જેનાથી તેમની દીકરીનો સંપર્ક કરવાનો પ્રયત્ન કર્યો હતો. પરંતુ દીકરી સાથે વાત થઈ ન હતી જેથી ફિઝિકલી તેનો પીછો કર્યો હતો. જે બાબતે ગુનો દાખલ કર્યો છે. આરોપીઓની તપાસ બાદ અટકાયત કરવામાં આવી છે.