દ્વારકા: પોલીસે લૂંટારું ગેંગને દબોચી લીધી છે. આ ગેંગના સભ્યો દ્વારા એક વૃદ્ધ પાસે લિફ્ટ માગવામાં આવી હતી અને ત્યારબાદ તેમની પાસેથી રૂપિયા 39000નો તોડ કરવામાં આવ્યો હતો. બનાવ અંગેની મળતી વિગતો પ્રમાણે દ્વારકાના નાગેશ્વર રોડ પર રહેલા એક વૃદ્ધ ભડકેશ્વર મહાદેવના દર્શન કરીને મોટર સાયકલ પર ઘરે પરત ફરી રહ્યા હતા. ત્યારે એક મહિલાએ તેમની પાસેથી લિફ્ટ માગી હતી. ઉલ્લેખનીય છે કે, લિફ્ટ માગવાના બહાને જ્યારે વૃદ્ધ સાથે લૂંટ ચલાવાઈ ત્યારે વૃદ્ધ તાત્કાલિક અસરથી પોલીસ સ્ટેશન પહોંચ્યા હતા અને આપવીતી જણાવી હતી. પોલીસે વૃદ્ધની ફરિયાદના આધારે ગુનો નોંધીને આ ટોળકીને દબોચી લેવા કાર્યવાહી કરેલ અને કલાકોમાં તે ગેંગના સભ્યોને દબોચી લીધા હતા અને કાયદેસરની કાર્યવાહી હાથ ધરી છે.
Source link
