Milk Ice Cream Recipe : ઉનાળામાં આઈસ્ક્રીમ ખાવાની એક અલગ પ્રકારની મજા છે. બાળકો હોય કે પુખ્ત વયના લોકો દરેકને આઈસ્ક્રીમનો સ્વાદ ગમે છે. ઘણીવાર લોકો રાત્રે રાત્રે જમ્યા પછી આઈસ્ક્રીમ ખાય છે. જોકે બજારમાં ઘણા વિકલ્પો ઉપલબ્ધ છે, પરંતુ તમે ઘરે દૂધને ઘટ્ટ કરીને સરળતાથી દૂધનો આઈસ્ક્રીમ બનાવી શકો છો. તેનો સ્વાદ બરાબર રબડી અને કુલ્ફી જેવો જ હશે. ઘરે બજાર જેવો આઈસ્ક્રીમ કેવી રીતે બનાવવો તે જાણીએ.
આ વસ્તુઓની જરૂર પડશે
- ફુલ ક્રીમ દૂધ – 1 લિટર
- લીલી એલચી – 1 થી 2
- ખાંડ
- ડ્રાયફ્રુટ્સ
- ફ્લેવર કલર (વૈકલ્પિક)
હોમમેઇડ મિલ્ક આઈસ્ક્રીમ રેસીપી
સૌ પ્રથમ એક વાસણમાં દૂધ કાઢો અને તેને ઉકાળવા માટે ગેસ પર મૂકો. તેની વચ્ચે કાળજીપૂર્વક હલાવો જેથી દૂધ વાસણના તળિયે ચોંટી ના જાય. જો દૂધ સહેજ ઘટ્ટ થવા લાગે તો ડ્રાયફ્રુટ્સને કાપી તેમાં નાખો. તેની સાથે એલચીની છાલ ઉતારી તેને ભાગીને નાખો. થોડા ડ્રાયફ્રુટ્સ બાદમાં નાખવા માટે સાચવી રાખો. ત્યારબાદ તેમાં ખાંડ ઉમેરો અને દૂધને ચડવા દો.
દૂધ ઠંડુ થયા પછી તેમાં ફૂડ કલર ઉમેરો. જો તમે ઇચ્છો તો તમે તેને છોડી પણ શકો છો. તેના બદલે તમે તેમાં વેનીલા એસેન્સ પણ ઉમેરી શકો છો. જ્યારે દૂધ ઘટ્ટ થાય છે ત્યારે તેને આઈસ્ક્રીમ મોલ્ડમાં રેડી લો. હવે તેમાં બાકી રહેલા ડ્રાયફુટ્સ ઉમેરો. તેને ફ્રિજમાં 4-5 કલાક સુધી રાખો.
દૂધમાંથી આઈસ્ક્રીમ બનાવવાની બીજી રીત
આ વસ્તુઓની જરૂર પડશે
- 1 લિટર દૂધ
- 1 +1/2 કપ ખાંડ
- 1 બાઉલ દૂધ પાવડર
- 3 ચમચી કોર્ન ફ્લોર
- 1 ચમચી વેનીલા એસેન્સ
દૂધમાંથી ફુલ્ફી જેવા સ્વાદ વાળો આઈસ્ક્રીમ બનાવવાની રીત
1 લિટર દૂધને મલાઇ સહિત ગરમ કરવા માટે મૂકો. ગેસની ફ્લેમ ધીમી રાખો અને દૂધને રાંધો. હવે તેમાં દૂધનો પાવડર ઉમેરો અને તેને સારી રીતે મિક્સ કરી લો. આ પછી અડધા કપ દૂધમાં કોર્નફ્લોર મિક્સ કરી મિલાવી લો. તેને યોગ્ય રીતે રાંધી લો. મિશ્રણને ઠંડુ થવા દો. ત્યારબાદ વેનીલા એસેન્સ ઉમેરો અને મિક્સ કરો.
શુભ કામ પહેલા દહી-ખાંડ કેમ ખવડાવવામાં આવે છે? જાણો આ પાછળનું સાયન્સ
હવે તેને આઈસ્ક્રીમ મોલ્ડમાં રાખી જમાવવા માટે ફ્રીઝરમાં મૂકો. તેને 3-4 કલાક પછી કાઢી લો અને તેને એકવાર બ્લેન્ડ કરો. પછી ફરી જમાવવા રાખી દો. જો તમે ઇચ્છો તો કાજુ-બદામ પણ ઉમેરી શકો છો. આ પછી સર્વ કરી શકો છો.
