taarak mehta ka ooltah chashmah : ફેમસ કોમેડી સિરિયલ ‘તારક મહેતા કા ઉલ્ટા ચશ્મા’ લોકોનો ફેવરિટ શો છે. વર્ષ 2008માં શરૂ થયેલો આ શો દર્શકોના દિલમાં લગભગ વસી ગયો છે અને આ જ કારણ છે કે આ શો છેલ્લા 17 વર્ષથી ટીવી પર રાજ કરી રહ્યો છે. ગોકુલધામ સોસાયટીના રોજિંદા જીવનની કથાઓ, જેઠાલાલની નિર્દોષતા અને નાદાનિયાં લોકોને ખૂબ પસંદ આવે છે. ‘તારક મહેતા શો માં જો કોઈ સૌથી વધુ ફેમસ છે તો તે દિલીપ જોશી છે.
દિલીપ છેલ્લા 17 વર્ષથી ‘જેઠાલાલ’ તરીકે લોકોનું મનોરંજન કરી રહ્યા છે. શો માં ઘણા લોકોને જેઠાલાલ અને બબીતાજીની કેમિસ્ટ્રી પણ ગમે છે. જોકે બહુ ઓછા લોકોને એ વાતની ખબર હશે કે ‘તારક મહેતા શો પહેલા પણ આ બન્ને સાથે જોવા મળ્યા હતા. આ પહેલા પણ બંનેએ એક શોમાં સાથે કામ કર્યું હતું.
આ શો માં બંને સાથે દેખાયા હતા
‘તારક મહેતા કા ઉલ્ટા ચશ્મા’ પહેલા દિલીપ જોશી અને મુનમુન દત્તા વર્ષ 2004માં ટીવી શો ‘હમ સબ બારાતી’માં સાથે જોવા મળ્યા હતા. આ શો ઝી ટીવી પર પ્રસારિત થતો હતો, જેમાં કુલ 79 એપિસોડ હતા. જેમાં દિલીપે નાથુ મહેતાનો રોલ કર્યો હતો, જ્યારે મુનમુન ‘ભીઠી ભૌજી’ના રોલમાં જોવા મળી હતી.
આ પણ વાંચો – The Raja Saab ફિલ્મ માટે પ્રભાસે ઘટાડ્યું વજન, જાણો 46 વર્ષની ઉંમરે શું છે તેની ફિટનેસનું રહસ્ય
આ શો એક એવા પરિવાર પર આધારિત હતો જે લગ્નમાં સજાવટ અને તૈયારીઓ કરતો હતો. આ ફિલ્મમાં દિલીપ અને મુનમુન ઉપરાંત ટીકુ તલસાનિયા, ડેલનાઝ, સુલભા આર્ય, શ્વેતા ગૌતમ અને રાજુ ખેર સહિત ઘણા સ્ટાર્સ હતા. જો આપણે આ શોના આઇએમડીબી રેટિંગની વાત કરીએ તો તેનું રેટિંગ 7.8 છે.
મુનમુને દિલીપ જોશીના વખાણ કર્યા
હાલમાં જ મુનમુન દત્તા યુટ્યુબર રણવીર ઇલ્હાબાદિયાના પોડકાસ્ટનો ભાગ બની હતી. જ્યાં તેમણે દિલીપ જોશી વિશે પણ વાત કરી હતી. બબીતાએ કહ્યું હતું કે અમારા બંનેનો ખૂબ જ સારો સંબંધ છે. હું તેમની પાસેથી ઘણું શીખ્યો છું, તે એક સિનીયર એક્ટર છે. હું તેમની સાથે ઘણા સીમો કરવામાં કંફર્ટેબલ છું. તેમણે મને ત્યારે જોઇ હતી જ્યારે હું કંઇ પણ ન હતી અને જ્યારે હું શીખી રહી છું ત્યારે પણ. આ માટે તે મારા વખાણ પણ કરે છે.
