ટીમ ઇન્ડિયાનો ‘દાનવ’! વિનાશકારી બેટિંગ કરી હાહાકાર મચાવી દીધો, શિવમ દુબેમાં અચાનક કેમ આવ્યું આટલું પરિવર્તન?

શિવમ દુબેએ તોફાની બેટિંગ પછી કહ્યું, “આ મારી આકરી મહેનતનું પરિણામ છે. સતત મેચ રમવા અને આવી પરિસ્થિતિમાં બેટિંગ કરવાથી મારી માનસિકતા વધુ સારી થઈ છે. મને ખબર પડી જાય છે કે, શું થવાનું છે અને બોલર મારી સામે અને મારી વિરુદ્ધ શું કરી શકે છે. શિવમ દુબેએ કહ્યું, જ્યારથી તે બોલિંગ કરવા લાગ્યો છે, તેના કારણે તેની બેટિંગમાં પણ સુધારો આવ્યો છે. દુબેએ કહ્યું, હું ગૌતી ભાઈ અને સૂર્યા ભાઈના કારણે બોલિંગ કરી શકું છું. તેણે મને બોલિંગની તક આપી છે. એટલા માટે જ્યારે તમે બોલિંગ કરો છો, તો તમે સમજદાર થઈ જાઓ છો. હું તેના પર પણ કામ કરી રહ્યો છું અને પોતાને સક્ષમ બનાવવાનો પ્રયત્ન કરી રહ્યો છું.”

શિવમ દુબેએ કહ્યું કે, હું ખરેખર ઘણી મહેનત કરું છું, પરંતુ મને મેચમાં બોલિંગ, બેટિંગ અને બધું જ કરવાની તક મળી છે. એટલે, અનુભવ નામની પણ કોઈ વસ્તુ હોય છે અને તે મને મળી ગયો છે અને યોગ્ય દિશામાં આગળ વધી રહ્યો છું. લોકો ઘણી વસ્તુઓમાં સુધારો કરે છે. દુબેએ કહ્યું કે, તે પહેલા જેવો રહી શકે નહીં. કેમ કે, વિરોધી વધુ સારું પ્રદર્શન કરતા રહે છે, એટલા માટે તે પણ પોતાની રમતને વધુ સારી બનાવી શકે છે.

શિવમ દુબેએ જણાવ્યું કે, તેનો રોલ મિડલ ઓવર્સમાં ઝડપથી રન બનાવવાનો છે. ટીમ ઇન્ડિયાનું માનવું છે કે, શિવમ દુબે સ્પિનર્સ સામે ઘણો સ્ટ્રોન્ગ છે અને તે વાત દુબે પણ માને છે. એટલા માટે એ હિસાબે પોતાની બેટિંગનો પ્લાન તૈયાર કરે છે. દુબેએ જણાવ્યું કે, તેની માનસિકતા સ્પષ્ટ હોય છે કે, તે સ્પિનર્સ સામે કેવી રીતે રન બનાવશે.