Ayurvedic Ideas Mango : કેરીને ફળોના રાજા કહેવામાં આવે છે. સ્વાદ, સુગંધ અને મીઠાશથી ભરપૂર કેરી, એક એવું ફળ છે જે બાળકોથી લઈને પુખ્ત વયના લોકો સુધી દરેકને ખાવાનું પસંદ છે. ગરમીમાં તે સ્વાદ વધારે છે અને શરીરને ઉર્જા પણ આપે છે, તેથી તે લોકોની મનપસંદ ફળોની યાદીમાં એક વિશેષ સ્થાન મેળવે છે.
કેરી એક એવું ફળ છે જે વિટામિન સી અને વિટામિન-એ થી સમૃદ્ધ છે, જે રોગપ્રતિકારક શક્તિને મજબૂત બનાવે છે અને ચેપ સામે રક્ષણ આપવામાં મદદ કરે છે. કેરીમાં ફાઇબર અને એન્ટીઓકિસડન્ટો હોય છે, જે કોલેસ્ટ્રોલને કંટ્રોલ કરવામાં અને હૃદયને સ્વસ્થ રાખવામાં મદદગાર છે. કેરીમાં હાજર અંજાઇમ ખોરાકને પચાવવામાં મદદ કરે છે અને કબજિયાત જેવી સમસ્યાઓથી રાહત આપી શકે છે.
યુનાની દવાના નિષ્ણાત ડો.સલીમ ઝૈદીના જણાવ્યા અનુસાર તે સામાન્ય સ્વાસ્થ્ય માટે ઉપયોગી છે, પરંતુ તેને કેટલાક ખોરાક સાથે ખાવાથી તમે તેના ફાયદાને બદલે નુકસાન કરી શકો છો. આયુર્વેદ અનુસાર કેરી ખાવાના કેટલાક કડક નિયમો પણ છે. ઘણીવાર સ્વાદના ચક્કરમાં આપણે કેરીને એવી વસ્તુઓ સાથે મિશ્રિત કરીએ છીએ જે આપણા પાચનતંત્ર પર ખરાબ અસર કરી શકે છે.
આયુર્વેદિક નિષ્ણાતોના જણાવ્યા અનુસાર કેટલાક ખોરાક કેરી સાથે મળીને વિરુદ્ધ આહાર બનાવે છે, જે ત્વચાની એલર્જી, એસિડિટી અને પેટની અન્ય સમસ્યાઓ તરફ દોરી શકે છે. ચાલો જાણીએ કે કેરી સાથે તમારે કઈ 5 વસ્તુઓ ખાવાનું ટાળવું જોઈએ.
કેરીને નારંગી, મોસંબી, કેળા અને લીંબુ સાથે ના ખાવ
આયુર્વેદ અનુસાર અલગ-અલગ ફળો એક સાથે ખાવાથી પાચનને અસર થઈ શકે છે. દરેક ફળનો પાચનનો સમય અલગ હોય છે, તેથી જ્યારે તેને એક સાથે ખાવામાં આવે છે, ત્યારે પેટમાં ગેસ, એસિડિટી અને અપચોની સમસ્યા થઈ શકે છે. ખાસ કરીને નારંગી, મોસંબી, કેળા અથવા લીંબુ જેવા ફળો સાથે કેરીનું સેવન કરવાનું ટાળવું જોઈએ. કેરીની સાથે આ ફળોનું સેવન વિરુદ્ધ આહાર છે.
દૂધ અને ડેરી ઉત્પાદનો સાથે ટાળો
દૂધ અથવા દૂધની વસ્તુઓ જેવા કે દહીં, આઈસ્ક્રીમ, મિલ્કશેક સાથે કેરી ખાવી એ આયુર્વેદમાં યોગ્ય માનવામાં આવતું નથી. તેનાથી પાચનક્રિયા નબળી થઇ શકે છે. ગેસ, અપચો અથવા ટોક્સિન બનવાની સમસ્યા થઇ શકે છે. જોકે આધુનિક વિજ્ઞાનમાં આ અંગે કોઈ સ્પષ્ટ સર્વસંમતિ નથી, પરંતુ સંવેદનશીલ પેટ ધરાવતા લોકોએ સાવચેતી રાખવી જોઈએ.
ખાટી અને મસાલેદાર વસ્તુઓ સાથે કેરી ના ખાઓ
કેરી ખાતા પહેલા અથવા પછી તરત જ ખાટી અથવા મસાલેદાર વસ્તુઓ ખાવાથી પેટમાં પિત્ત વધી શકે છે. તેનાથી એસિડિટી, બળતરા અને ગેસ અને કેટલીકવાર ત્વચાની એલર્જી અથવા પિમ્પલ્સ પણ થઈ શકે છે. જો તમે કેરી ખાઈ રહ્યા છો તો તમારે ખાટા અને મસાલેદાર વસ્તુઓથી દૂર રહેવું જોઈએ.
ગરમીમાં લગાવો મોગરાનો છોડ, ઘણા બધા ફૂલ આવે તે માટે આ રીતે કાળજી લો
કેરી ખાધા પછી પાણી, ચા અથવા કોફી ટાળો
કેરી ખાધા પછી તરત જ પાણી, ચા અથવા કોફી પીવાથી પાચન પર અસર થઈ શકે છે. તેનાથી પેટમાં ગેસ, દુખાવો અથવા ઉલટી જેવી સમસ્યાઓ થઈ શકે છે, તેથી કેરી ખાધા પછી થોડો સમય અંતર રાખો.
કારેલો ખાધા પછી કેરી ન ખાવી
જો તમે ખોરાકમાં કારેલા ખાધા છે, તો તે પછી તરત જ કેરી ખાવાનું ટાળો. આ કોમ્બિનેશન પેટમાં દુખાવો, ઉબકા અથવા ઉલટી જેવી અગવડતા પેદા કરી શકે છે.
નિષ્કર્ષ
કેરી એક હેલ્ધી અને સ્વાદિષ્ટ ફળ છે, પરંતુ તેને યોગ્ય રીતે ખાવું મહત્વપૂર્ણ છે. ખોટા ખોરાકનું કોમ્બિનેશન ફાયદાને બદલે નુકસાન પહોંચાડી શકે છે, તેથી આ વસ્તુઓનું ધ્યાન રાખવું વધુ સારું છે.
ડિસ્ક્લેમર : આ લેખ ફક્ત સામાન્ય માહિતી માટે છે. કોઈ ચોક્કસ આહાર લેતા પહેલા તમારા આયુર્વેદિક ડોક્ટરની સલાહ લેવાનું ભૂલશો નહીં.
