Final Up to date:
Bajaj Client Care Share Worth: શેરબજારમાં ગુરુવારનો દિવસ બજાજ ગ્રુપની દિગ્ગજ FMCG કંપની બજાજ કન્ઝ્યુમર કેર (Bajaj Client Care)ના નામે રહ્યો. કંપનીનો શેર શરૂઆતી ટ્રેડિંગમાં જ ખરીદીના ભારે દબાણને કારણે 20percentની અપર સર્કિટને સ્પર્શી ગયો અને ₹297.05ના સ્તરે પહોંચી ગયો.
Bajaj Client Care Share Worth: શેરબજારમાં ગુરુવારનો દિવસ બજાજ ગ્રુપની દિગ્ગજ FMCG કંપની બજાજ કન્ઝ્યુમર કેર (Bajaj Client Care)ના નામે રહ્યો. કંપનીનો શેર શરૂઆતી ટ્રેડિંગમાં જ ખરીદીના ભારે દબાણને કારણે 20percentની અપર સર્કિટને સ્પર્શી ગયો અને ₹297.05ના સ્તરે પહોંચી ગયો. બુધવારે આ શેર ₹247.55 પર બંધ થયો હતો, પરંતુ એક જ ઝાટકે તેણે રોકાણકારોની ચાંદી-ચાંદી કરી દીધી. છેલ્લા એક વર્ષમાં આ શેર લગભગ 60% ઉછળી ચૂક્યો છે, જેનાથી તે રોકાણકારોનો ફેવરિટ મિડકેપ શેર બની ગયો છે.
બજાજ કન્ઝ્યુમરના શેરમાં આવેલી આ તોફાની તેજીનું સૌથી મોટું કારણ કંપનીના ત્રીજા ક્વાર્ટરના (Q3 FY26)ના અદ્ભુત પરિણામો છે. 21 જાન્યુઆરીએ જાહેર કરાયેલા નાણાકીય પરિણામો અનુસાર, કંપનીનો સંયુક્ત નફો (Consolidated Internet Revenue) વાર્ષિક ધોરણે 83.2% વધીને ₹46.37 કરોડ થઈ ગયો છે. ગત વર્ષના સમાન સમયગાળામાં આ આંકડો માત્ર ₹25.31 કરોડ હતો. નફામાં આવેલી આ ભારે તેજીએ બજારના નિષ્ણાતોને પણ ચોંકાવી દીધા છે.
માત્ર નફો જ નહીં, પરંતુ કંપનીની આવકમાં પણ 32.7percentની તેજી જોવા મળી છે, જે વધીને ₹306.08 કરોડ થઈ ગઈ છે. કંપનીનો ઓપરેટિંગ નફો (EBITDA) તો ડબલથી પણ વધુ થઈને 109.5% ઉછળ્યો છે. સૌથી પ્રભાવશાળી વાત એ છે કે કંપનીનું EBITDA માર્જિન 11.8percentથી સુધરીને 18.6% પર પહોંચી ગયું છે, જે કંપનીની મજબૂત કાર્યક્ષમતા અને ખર્ચ વ્યવસ્થાપનને દર્શાવે છે.
કંપનીની સફળતા પાછળ તેની ફ્લેગશિપ પ્રોડક્ટ બજાજ આલ્મંડ ડ્રોપ્સ હેર ઓઇલ (ADHO)નો મોટો હાથ છે. ઇન્વેસ્ટર પ્રેઝન્ટેશન અનુસાર, આ સેગમેન્ટમાં ‘ડબલ ડિજિટ’ વોલ્યુમ ગ્રોથ જોવા મળ્યો છે. છેલ્લી 8 ત્રિમાસિકમાં કંપનીનો વોલ્યુમ માર્કેટ શેર તેના સર્વોચ્ચ સ્તરે પહોંચી ગયો છે. આ ઉપરાંત, બજાજ કોકોનટ પોર્ટફોલિયોએ પણ હાઈ સિંગલ ડિજિટ વેલ્યુ ગ્રોથ હાંસલ કરી છે, જેનાથી રોકાણકારોનો વિશ્વાસ આ બજાજ ગ્રુપની કંપની પર વધુ મજબૂત થયો છે.
(Disclaimer: અહીં આપવામાં આવેલી શેરબજારની જાણકારી ફક્ત સામાન્ય માહિતી રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)
